Raj Tarun : పదేళ్ల క్రితమే మాకు పెళ్లి.. నాకు అబార్షన్.. లావణ్య సంచలన ఆరోపణలు!

Raj Tarun - Lavanya Love Case : టాలీవుడ్ (Tollywood) హీరో రాజ్‌తరుణ్ (Raj Tarun) లవ్ వ్యవహారం రోజు రోజుకూ ఊహించని మలుపులు తిరుగుతోంది. రాజ్ తనను ప్రేమించి, పెళ్లి చేసుకుంటానని నమ్మించి శారీరకంగా వాడుకుని చివరికి మరో హీరోయిన్‌ మాల్వీ మల్హోత్రా (Malvi Malhotra) తో ఎఫైర్ పెట్టుకున్నాడంటూ లావణ్య అనే యువతి పోలీసులకు ఫిర్యాదు చేసిన విషయం తెలిసిందే. దీనిపై స్పందించిన రాజ్ తరుణ్ లావణ్య ఆరోపణలను కొట్టిపారేశాడు.

ఆమెనే తనను టార్చర్ చేస్తుందని రివర్స్ లో కేసు వేస్తానని అన్నాడు. ఇక లావణ్య (Lavanya) తాజాగా మరోసారి రాజ్‌తరుణ్‌పై సంచలన ఆరోపణలు చేసింది. రాజ్‌తరుణ్‌ తనకు అబార్షన్‌ చేయించాడని, అబార్షన్‌ చేయించిన మెడికల్‌ డాక్యుమెంట్స్‌.. ఆస్పత్రి వివరాలన్నీ నా దగ్గర ఉన్నాయని పేర్కొంటూ వాటిని నార్సింగి పోలీసులకు అందించినట్లు తెలిపింది.

Also Read : ‘మిస్టర్ బచ్చబ్’ సితార్ సాంగ్ వచ్చేసింది.. ఫారిన్ లో రవితేజ – భాగ్యశ్రీ డ్యూయెట్ అదుర్స్!

' రాజ్‌తరుణ్‌తో పదేళ్ల క్రితమే నాకు పెళ్లి అయ్యింది. పదేళ్ల నుంచి మేం కాపురం చేస్తున్నాం.లావణ్య అలియాస్‌ అన్విక పేరుతో కలిసున్నాం. అన్విక పేరుతో విదేశాలకు ఇద్దరం కలిసే వెళ్లాం. మాల్వీ వచ్చిన తర్వాతే రాజ్‌తరుణ్ నన్ను దూరం పెట్టాడు. ఇది ప్రశ్నించినందుకే నానుండి దూరంగా వెళ్ళిపోయాడు' అని చెప్పింది.