ఇది రైల్వే స్టేషనా..లేక ఇంటర్నేషనల్ ఎయిర్‌పోర్టా..?

కేంద్ర రైల్వే శాఖ మంత్రి అశ్విన్‌ వైష్ణవ్ ప్రస్తుతం సోషల్‌ మీడియాలో పోస్ట్‌ చేసిన ఓ వీడియో ఒకటి నెట్టింట్లో తెగ వైరల్ అవుతుంది. అంతలా ఓ వీడియో నెట్టింట్లో ఎందుకు వైరల్‌ అవుతుంది..అసలు ఆ వీడియో ఏంటి అనుకుంటున్నారా? అది గుజరాత్‌ అహ్మదాబాద్‌ లోని సబర్మతీ మల్టీ మోడల్‌ ట్రాన్స్ పోర్ట్‌ హబ్‌ వద్ద రెడీ అవుతున్న తొలి బుల్లెట్‌ రైల్వే స్టేషన్‌కి సంబంధించిన వీడియో అది.

ఆ వీడియోను మంత్రి గురువారం సోషల్ మీడియాలో పోస్ట్‌ చేయగా..పోస్ట్ చేసిన 24 గంటల్లోపే 5,65,00 వ్యూస్‌ వచ్చాయి. 20 వేల లైక్స్‌ వచ్చాయి. ఆ వీడియోని చూసిన వారు ఆ డిజైన్ ను చూసి నోరెళ్లబెడుతున్నారు. ప్రస్తుతం ముంబై- అహ్మదాబాద్​ బుల్లెట్​ ట్రైన్​ కారిడర్​ ప్రాజెక్ట్​ నిర్మాణ దశలో ఉంది. చాలా వరకు నిర్మాణం పూర్తైందని తెలుస్తోంది.

దీని పనులు 2026 నాటికి మొదలవుతాయని సమాచారం. గుజరాత్‌ సూరత్‌ నుంచి బిలిమోరాకు 50 కి.మీల స్ట్రెచ్‌ లో ఈ మొదటి ఫేజ్‌ఉంటుంది. 2028 నాటికి ప్రాజెక్ట్‌ మొత్తం పూర్తవుతుందని రైల్వే అధికారులు వివరించారు. బుల్లెట్ ప్రాజెక్ట్‌ అందుబాటులోకి వస్తే..ముంబై- అహ్మదాబాద్‌ మధ్య ప్రయాణం కేవలం 2 గంటల 7 నిమిషాల్లోనే పూర్తవుతుందని తెలుస్తుంది.

ఈ ప్రాజెక్ట్‌ ను 2017 సెప్టెంబర్‌ ప్రధాని మోదీ, అప్పటి జపాన్‌ పీఎం షింజో అబే కలిసి ఈ ప్రాజెక్ట్‌ని ప్రారంభించారు. దీని కోసం 1.08 లక్షల కోట్ల ఖర్చు అవుతుంది. కేంద్ర ప్రభుత్వం రూ.10 వేల కోట్లు ఖర్చు పెడుతుండగా..గుజరాత్‌, మహారాష్ట్ర ప్రభుత్వాలు కలిసి మరో రూ.10 వేల కోట్లు ఇన్వెస్ట్‌ చేస్తున్నాయి. మిగిలిన నగదును 0.1శాతం వడ్డీతో జపాన్​ నుంచి అప్పుగా తీసుకొచ్చారు.

Also read: ఇక శ్రీలీలను కాపాడాల్సింది మహేష్‌ నే!