ఈ మేరకు శుక్రవారం మీడియాతో మాట్లాడిన సుధాకర్.. ఏపీలో పోలీసులను పాలకులు చెప్పు చేతల్లో పెట్టుకున్నారు. న్యాయ ప్రాథమిక సూత్రాలకు విరుద్ధంగా ప్రభుత్వం పోలీసులతో వ్యవహరిస్తోంది. రఘురామరాజు కోర్టులో స్టేట్ మెంట్ ఇచ్చినపుడు తనపై ఐదుగురు వ్యక్తులు దాడి చేశారని చెప్పారు. ఇవాళ ఫిర్యాదులో మాత్రం ఐపీఎస్ అధికారులు పీఎసార్, సునీల్ కుమార్ దాడి చేసినట్లు తెలిపారు. ప్రభుత్వ ఆసుపత్రిలో చికిత్స సమయంలో కూడా గుర్తు తెలియని వ్యక్తులు అని చెప్పారు. దురుద్దేశపూర్వకంగా అమాయకులపై పోలీసులు తప్పుడు కేసులు పెట్టారు. నిజంగా సునీల్ కుమార్, పీయస్సార్ దాడి చేస్తే మెజిస్ట్రేట్ ముందు మూడేళ్ల క్రితమే రఘురామ రాజు చెప్పాలి కదా? 11వ తేదీన ఫిర్యాదు వస్తే 10వ తేదీన లీగల్ ఒపీనియన్ కు ఎలా పంపారు? కక్ష పూరితమైన ఉద్దేశ్య పూర్వకంగా తప్పుడు కేసు నమోదు చేశారని ఆరోపించారు. రఘురామరాజు మళ్లీ ఇలా చేస్తే విధులు నిర్వర్తిస్తున్న అధికారులకు ఇబ్బందులు తప్పవని, ప్రజాస్వామ్యంలో ఇది సరైన విధానం కాదని అసహనం వ్యక్తం చేశారు.

Also Read: ‘తల్లికి వందనం’పై పాఠశాల విద్యాశాఖ కీలక ప్రకటన.. రూ.15వేలు రావాలంటే!