18వ లోక్‌సభ తొలి సమావేశాలకు ప్రొటెం స్పీకర్‌గా కాంగ్రెస్ నేత కె. సురేష్ ఎన్నికయ్యారు. ఈనెల 24 నుంచి సమావేశాలు మొదలుకానుండగా 26న లోక్‌సభకు నూతన స్పీకర్‌ను ఎన్నుకునే వరకూ ప్రధాని, మంత్రి మండలి, ఇతర ఎంపీలతో సురేష్ ప్రమాణం చేయించనున్నట్లు అధికార వర్గాలు వెల్లడించాయి.
వయనాడ్ ఎన్నికల్లో కాంగ్రెస్ అధినేత్రి ప్రియాంక గాంధీ పోటీ చేయనున్నట్లు ఏఐసీసీ అధ్యక్షుడు మల్లికార్జున ఖర్గే తెలిపారు. వయనాడ్ స్థానాన్ని రాహుల్ గాంధీ వదులకోవడంతో తాజాగా కాంగ్రెస్ అధిష్ఠానం ఈ నిర్ణయం తీసుకుంది.
కాంగ్రెస్ అగ్రనేతలు సోనియాగాంధీ, రాహుల్ గాంధీ, ప్రియాంక గాంధీలను.. ఎపీసీసీ చీఫ్‌ వైఎస్‌ షర్మిలా కలిశారు. ఏపీలో అసెంబ్లీ ఎన్నికల తర్వాత కాంగ్రెస్ పార్టీ బలోపోతంపై తీసుకొనే నిర్ణయాలపై వారు చర్చించారు.
AP: గత ప్రభుత్వంలో అంగన్వాడీలు ఎదుర్కొన్న ఇబ్బందులన్నీ తాము పరిష్కరిస్తామని మంత్రి గుమ్మిడి సంధ్యారాణి హామీ ఇచ్చారు. సోమవారం మహిళా శిశు సంక్షేమ, గిరిజన సంక్షేమ మంత్రిగా బాధ్యతలు స్వీకరించిన ఆమె గిరిజన స్కూళ్ల అభివృద్ధిపై ప్రత్యేకంగా దృష్టి సారిస్తామని చెప్పారు.
ఏపీ టీడీపీ రాష్ట్ర అధ్యక్షునిగా బాధ్యతలు స్వీకరించిన పల్లా శ్రీనివాసరావు సీఎం చంద్రబాబును కలిశారు. 'పార్టీకి ప్రభుత్వానికి మధ్య వారధి మీరే. మీ కష్టాన్ని చూసి రాష్ట్ర అధ్యక్షునిగా కీలక బాధ్యతలిచ్చాం. పార్టీలో యువరక్తాన్ని చేర్చండి' అని బాబు సూచించారు.
AP: గంజాయి స్మగ్లర్స్‌, వినియోగదారులకు మంత్రి అనిత వార్నింగ్ ఇచ్చారు. గంజాయిపై బతికేద్దామనుకేవారి ఆటలు ఇకపై సాగవని అన్నారు. గంజాయి స్మగ్లింగ్‌, వినియోగంపై ఉక్కుపాదం మోపుతాం అని చెప్పారు. గంజాయి విషయంలో ఏ రాజకీయ నాయకుడు ఉన్నా ఉపేక్షించేది లేదని తేల్చి చెప్పారు.
పెట్రోలు, డీజిల్ ధరల పెంపునకు వ్యతిరేకంగా బీజేపీ ఈరోజు కర్ణాటకలో నిరసన చేపట్టింది. ఈ కార్యక్రమంలో పాల్గొన్న బీజేపీ సీనియర్ నేత, మాజీ ఎమ్మెల్సీ ఎంబీ భానుప్రకాష్ ప్రసంగిస్తూ గుండెపోటుతో మరణించారు. దీంతో అక్కడ విషాదఛాయలు అలుముకున్నాయి.
నాలుగు రాష్ట్రాలకు ఎన్నికల ఇంచార్జిలను బీజేపీ హైకమాండ్ నియమించింది. J&K ఇన్‌ఛార్జిగా కిషన్‌ రెడ్డి, మహారాష్ట్ర ఇన్‌ఛార్జిగా కేంద్రమంత్రి భూపేంద్ర యాదవ్‌, ఎన్నికల సహ ఇన్‌ఛార్జిగా కేంద్రమంత్రి అశ్వనీ వైష్ణవ్‌, హరియాణాకు ధర్మేంద్ర ప్రధాన్‌, బిప్లబ్‌ కుమార్‌దేవ్‌ పేర్లను ప్రకటించింది.
AP: ఎలాన్‌ మస్క్‌ను ఎన్నికల సంఘం భారత్‌కు ఆహ్వానించాలని పురందేశ్వరి అన్నారు. ఈవీఎంల హ్యాకింగ్‌ నిరూపణకు మస్క్‌కు అవకాశమివ్వాలని చెప్పారు. ఈవీఎంలపై పరిశోధనలకు ఈసీ చాలమందికి అవకాశం ఇచ్చిందని.. ఈసీ అవకాశాలిచ్చినా ఎవరూ హ్యాక్‌ చేయలేకపోయారని ఆమె పేర్కొన్నారు.
/rtv/media/post_attachments/wp-content/uploads/2024/04/Sridar-2-jpg.webp)
/rtv/media/post_attachments/wp-content/uploads/2024/06/FotoJet-4-11.jpg)
/rtv/media/post_attachments/wp-content/uploads/2024/06/WhatsApp-Image-2024-06-17-at-7.32.04-PM.jpeg)
/rtv/media/post_attachments/wp-content/uploads/2024/06/FotoJet-2024-06-17T185021.389.jpg)
/rtv/media/post_attachments/wp-content/uploads/2024/06/FotoJet-3-11.jpg)
/rtv/media/post_attachments/wp-content/uploads/2024/06/FotoJet-2-12.jpg)
/rtv/media/post_attachments/wp-content/uploads/2024/06/Home-Minister-Anita.jpg)
/rtv/media/post_attachments/wp-content/uploads/2024/06/BJP-Leader-Bhanuprakash.jpg)
/rtv/media/post_attachments/wp-content/uploads/2024/03/BJP-2-1-jpg.webp)
/rtv/media/post_attachments/wp-content/uploads/2024/05/bjp-13.jpg)
