Nayanatara: ఆ సినిమాలో అలా చూపించడంతో నయనతార పై కేసు నమోదు..!

Annapoorani: నయనతార(Nayanatara) ఇటీవల కాలంలో నటించి విడుదల చేసిన సినిమా అన్నపూరణి. ఈ సినిమా ఏ ముహుర్తానా విడుదల అయ్యిందో కానీ ..అప్పటి నుంచి సినిమాను కష్టాలు వెంటాడుతునే ఉన్నాయి. సినిమా విడుదల అయ్యే సమయానికి చెన్నై నగరాన్ని వరదలు చుట్టుముట్టడంతో కనీసం ఈ చిత్రం వంక చూసే వారు కూడా ఎవరూ లేరు.

దీంతో థియేటర్లలో అన్నపూరణి (Annapoorani)చతికిల పడింది. దీంతో దీనిని ఇతర భాషాల్లోకి విడుదల చేశారు. దాంతో సినిమా కొంచెం ఫర్వాలేదనపించింది కానీ పెద్దగా హిట్‌ కాలేదు. దీంతో సినిమాని ఓటీటీలోకి విడుదల చేయడానికి రంగం సిద్దమైంది. అయితే ఇప్పుడు ఈ సినిమాకి ఓ పెద్ద చిక్కొచ్చి పడింది.

పెద్ద ఛెఫ్‌ కావాలని...

అది ఏంటంటే సినిమాలో డైరెక్టర్‌ నయన తారని సనాతన బ్రహ్మణ కుటుంబానికి చెందిన అమ్మాయిగా చూపించాడు. ఆ కుటుంబంలో జన్మించినప్పటికీ పూరణికి చిన్నతనం నుంచి కూడా పెద్ద ఛెఫ్‌ కావాలని కలలు కంటుంది. అనుకున్నట్లుగానే ఆ కోర్సులో జాయిన్‌ అవుతుంది. అక్కడ ఓ ముస్లిం అబ్బాయిని ఇష్టపడుతుంది .వారి ఇంటికి వెళ్తుంది. అక్కడ బిర్యానీ చేయడం నేర్చుకుంటుంది.

ఆ క్రమంలో హీరో తల్లి బిర్యానీ చేయాలంటే అల్లా దీవెనలు కావాలని చెప్పడంతో ఆమె బుర్ఖా వేసుకుని మరీ ప్రార్థన చేస్తుంది. ఆ తరువాత క్లాస్‌ లు జరుగుతున్న సమయంలో ఆమె చికెన్‌ తింటుంది. దానిని తండ్రి కూడా చూస్తాడు. దీనిని అంతా చూస్తుంటే సినిమా ఓ యువతి కల కోసం చేసే పోరాటంలా లేదు.

లవ్‌ జివాదీ..

లవ్‌ జివాదీ(Love jihadi) లా ఉంది అంటూ కొందరు సినిమా మీద తీవ్ర విమర్శలు చేయడం మొదలు పెట్టారు. ఈ క్రమంలోనే సినిమాతో పాటు, నయనతార మీద కూడా కేసులు పెడుతున్నారు. ఈ సినిమాలో డైరెక్టర్ అనుకున్న కథ ఒకటి..బయట ప్రేక్షకుని మైండ్ కి చేరిన కథ ఒకటి కావడంతో ..అనుకున్నది ఒకటి ..అయినది ఒకటి ..బోల్తా కొట్టిందిలే బుల్‌ బుల్‌ పిట్ట అన్నట్లు తయారు అయ్యింది అన్నపూరణి సినిమా.
మరి దర్శకుడు, నయనతార దీని గురించి ఏం చేస్తారో చూడాలి.

Also read: నాలుగేళ్ల కుమారుడి దారుణ హత్య.. ఒళ్లు గగుర్పొడిచే బెంగళూరు సీఈవో క్రైమ్ కథ!