Health tips:ఆస్తమాకు చెక్ పెట్టే మొక్కలు..మీ ఇంట్లో ఇవి ఉండేలా చూసుకోండి

ఆస్థమా ప్రధానంగా ఊపిరితిత్తుల్లోని గాలి గొట్టాల సమస్య. దీనికి మూలం అలర్జీ. దుమ్మూ ధూళి, పుప్పొడి, రసాయనాల వంటివి తగిలినప్పుడు లోపల అలర్జీ ప్రేరేపితమై గాలిగొట్టాలు విపరీతంగా స్పందిస్తుంటాయి. దీంతో శ్వాస తీసుకోవటం, వదలటం కష్టమైపోతుంది. ఫలితంగా దగ్గు, పిల్లికూతలు, ఊపిరి అందక ఉక్కిరిబిక్కిరి అవటం వంటి ఇబ్బందులు ఎదురవుతాయి. ఆస్తమా పేషెంట్స్‌ కలుషితమైన గాలిలో నివసించకుండా ఉండాలని డాక్టర్లు చెబుతుంటారు. అయితే దానికి చేయాల్సిన వాటిల్లో ముఖ్యమైనది ఈ మొక్కలు మన ఇంట్లో పెంచుకోవడమే.

Also Read:తెలంగాణ కాంగ్రెస్ వ్యవహారాల ఇన్ఛార్జ్ గా దీప దాస్ మున్షీ

స్పైడర్ ప్లాంట్..

ఆస్తమా, అలర్జీ ఉన్నవారి ఆరోగ్యానికి స్పైడర్‌ ప్లాంట్‌ మేలు చేస్తుంది. స్పైడర్‌ ప్లాంట్‌ గాలిని శుద్ధి చేస్తుంది. పర్యావరణంలో ఉన్న ఫార్మాల్డిహైడ్ టాక్సిన్‌ను తొలగించడంలో ఈ మొక్క 95 శాతం వరకు ప్రభావవంతంగా ఉన్నట్లు అధ్యయనాలు స్పష్టం చేశాయి. ఈ మొక్కను ఇంటిలోపల సులభంగా పెంచుకోవచ్చు. దీని మేయింటెనెన్స్‌ కూడా చాలా తక్కువగా ఉంటుంది. మూడు రోజులకు ఒకసారి నీళ్లు పోస్తే సరిపోతుంది. మీ బాల్కనీలో, విండోస్‌ పక్కన హ్యాంగింగ్‌ ప్లాంట్‌గా పెంచుకోవచ్చు. దీన్ని సాధారణ ఉష్ణోగ్రత ఉన్న ప్రదేశంలో ఉంచండి. స్పైడర్‌ ప్లాంట్‌ను వాటర్‌లోనూ పెంచుకోవచ్చు.

మనీ ప్లాంట్

మనీ ప్లాంట్‌ ఆక్సిజన్‌ను ఎక్కువ విడుదల చేస్తుంది. గాలిలో కలుషితాలు.. బెంజీన్‌, కార్బన్‌ మోనాక్సైడ్‌, ఫార్మాల్డిహైడ్‌ వంటివి దూరం చేస్తుంది. అంతే కాదు.. ఎలక్ట్రానిక్‌ పరికరాల రేడియేషన్‌నూ తగ్గిస్తుంది. ఇది పచ్చ, లైమ్‌ కలర్‌, మార్బల్ ఇలా చాలా రకాలుగా ఉంటుంది. ఇది ఇంట్లోని గాలిని శుద్ధి చేయడమే కాదు.. ఇంటికి అందాన్ని తెచ్చి పెడుతుంది. దీనికి ఎక్కువ నిర్వహణ అవసరం ఉండదు. నీరు, మట్టి రెండిట్లోనూ పెరుగుతుంది. రోజూ కాసేపు ఎండలో ఉంచితే చాలు.

అరెకా పామ్..

అరెకా పామ్.. ఇండోర్‌కు బెస్ట్‌ ఆప్షన్‌ అనొచ్చు. అరెకా పామ్‌ గాలిలోని వ్యర్థాలు, కెమికల్స్‌ను శుద్ధి చేస్తుంది. ఆక్సిజన్‌ను ఎక్కువగా విడుదల చేస్తుంది. ఆస్తమా పేషెంట్స్‌ ఈ మొక్కను ఇంట్లో పెంచుకుంటే ఆరోగ్యానికి మేలు జరుగుతుంది. ఈ మొక్క మెయింటెనెన్స్‌ కూడా చాలా తక్కువగా ఉంటుంది. దీన్ని తక్కువ కాంతి ఉన్న ప్రదేశంలో ఉంచాలి. రెండు రోజులకు ఒకసారి నీరు పోస్తే సరిపోతుంది.

స్నేక్ ప్లాంట్..

స్నేక్‌ ప్లాంట్‌ బెస్ట్‌ ఎయిర్‌ ప్యూరిఫైయర్‌ మొక్క. ఇది గాలిలోని ఫార్మాల్డిహైడ్, నైట్రోజన్ ఆక్సైడ్‌, బెంజీన్ వంటి విషవాయువులను గ్రహిస్తుంది. ఆక్సిజన్‌ ఎక్కువగా విడుదల చేసి.. ఇంట్లో గాలి ఫ్యూర్‌గా ఉండేలా చూసుకుంటుంది. దీన్ని మెంటెనెన్స్‌ కూడా చాలా తక్కువ. వారానిరి ఒకసారి నీళ్లు పోస్తే సరిపోతుంది. దీన్ని సూర్య కాంతి పడే చోట పెట్టండి. స్నేక్‌ ప్లాంట్‌ను వాటర్‌లో కూడా పెంచవచ్చు.

పీస్ లిల్లీ..

పీస్‌ లిల్లీ.. ఇది చాలా అందమైన మొక్క. ఇది గాలి నుంచి విషపదార్థాలను ఎఫెక్టివ్‌గా తొలగిస్తుంది. ఆస్తమా, అలెర్జీ పేషెంట్స్‌ ఈ మొక్కను ఇంట్లో పెంచుకుంటే.. ప్రయోజనకరంగా ఉంటుంది. ఈ మొక్కను తక్కువ కాంతి ఉన్న ప్రదేశంలో ఉంచాలి. వారానికి ఒకసారి నీళ్లు పోస్తే చాలు. అయితే ఈ మొక్కతో కాస్త జాగ్రత్తగా ఉండాలి. ఎందుకంటే దీని ఆకుల్లో విషం ఉంటుంది. అందుకే ఈ మొక్కను పిల్లలు, జంతువులకు దూరంగా ఉంచాలి.