/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2024/04/FotoJet-2024-04-27T122751.460-jpg.webp)
Vakeel Saab Re Release : టాలీవుడ్(Tollywood) పవర్ స్టార్ పవన్ కళ్యాణ్(Pawan Kalyan) నటించిన బ్లాక్ బస్టర్ హిట్ 'వకీల్ సాబ్'(Vakeel Saab). 2021 ఏప్రిల్ 9న విడుదలైన ఈ చిత్రం బాక్స్ ఆఫీస్ వద్ద కలెక్షన్ల వర్షం కురిపించింది. బాలీవుడ్ 'పింక్' మూవీ రీమేక్ గా వచ్చిన ఈ సినిమాను దర్శకుడు శ్రీరామ్ తెరకెక్కించారు. ఈ కోర్ట్ రూమ్ డ్రామాలో లాయర్ పాత్రలో కనిపించిన పవన్ కళ్యాణ్.. ఆయన నటన, పవర్ ఫుల్ డైలాగ్స్ తో ఫ్యాన్స్ చేత విజిల్స్ వేయించారు. శృతి హాసన్(Shruti Hassan) కథానాయికగా నటించగా.. నివేద థామస్, అంజలి, అనన్య కీలక పాత్రలు పోషించారు. అయితే అప్పట్లో ప్రేక్షకులను ఎంతగానో ఆకట్టుకున్న ఈ చిత్రం మరో సారి విడుదలకు సిద్ధమైంది.
వకీల్ సాబ్ రీ రిలీజ్
తాజాగా 'వకీల్ సాబ్' చిత్రాన్ని రీ రిలీజ్ చేయబోతున్నట్లు ప్రకటించారు మేకర్స్. మే 1న ప్రేక్షకుల ముందుకు రానున్నట్లు తెలిపారు. దీంతో పవన్ కళ్యాణ్ ఫ్యాన్స్ ఫుల్ ఖుష్ అవుతున్నారు. ఇప్పటికే రీ రిలీజైన పవన్ కళ్యాణ్ ఖుషి, గుడుంబా శంకర్, తొలిప్రేమ వంటి చిత్రాలు భారీ కలెక్షన్స్ రాబట్టాయి. ఇక ఇప్పుడు వకీల్ సాబ్ హవా ఎలా ఉండబోతుందో చూడాలి.