/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2023/08/EPFO-BALANCE-jpg.webp)
How to check EPF Balance : మారుతున్న టెక్నాలజీ ప్రకారం ఈపీఎఫ్ఓ కూడా చాలా వరకు అప్ డేట్ అయ్యింది. ఖాతాదారులు పీఎఫ్ కార్యాలయం వరకు వెళ్లాల్సిన అవసరం లేకుండానే ఆన్ లైన్లో సేవలను అందస్తుంది. యూనిఫైడ్ మెంబర్ పోర్టల్ ను లాంచ్ చేసి అన్ని రకాల పీఎఫ్ సంబంధిత సేవలను అందిస్తోంది. అలాగే ఖాతాదారులు తమ పాస్ బుక్ ను ఆన్ లైన్లోనే చూసుకునే వెసులుబాటును కల్పించింది. ఈ సింపుల్ విధానం వల్ల పీఎఫ్ అకౌంట్ ను చెక్ చేసుకోవచ్చు. అదేలాగో చూద్దాం.
EPFO 2023-24 ఆర్థిక సంవత్సరానికి PF ఖాతాపై వడ్డీ రేటును 8.25 శాతానికి పెంచింది. ఆర్థిక మంత్రిత్వ శాఖ ఆమోదం తర్వాత ఈ వడ్డీ రేటు అమల్లోకి వస్తుంది. గతంలో పీఎఫ్ ఖాతాపై 8.15 శాతం వడ్డీ ఇచ్చేవారు. ప్రైవేట్ సెక్టార్‌లో పనిచేసే వారికి పీఎఫ్ ఖాతా గురించి బాగా తెలుసు. కానీ పెద్ద సంఖ్యలో ఉద్యోగులు తమ పీఎఫ్ ఖాతాపై శ్రద్ధ చూపడం లేదు. సరైన ప్రక్రియ తెలియకపోవడం వల్ల తమ పీఎఫ్ ఖాతా బ్యాలెన్స్‌ను కూడా తెలుసుకోలేకపోతున్నారు. అయితే మీరు మీ PF ఖాతా బ్యాలెన్స్ తెలుసుకోవడం చాలా సులభం. మీరు ఉమంగ్ యాప్, EPFO పోర్టల్, మిస్డ్ కాల్, మెసేజ్ ద్వారా కూడా మీ PF బ్యాలెన్స్ తెలుసుకోవచ్చు.ఆ ప్రక్రియ ఏంటో తెలుసుకుందాం.
umang యాప్:
ఉద్యోగులు తమ స్మార్ట్‌ఫోన్‌లలో ఉమంగ్ యాప్‌ను డౌన్‌లోడ్ చేసుకోవడం ద్వారా తమ పీఎఫ్ బ్యాలెన్స్‌ని చెక్ చేసుకోవచ్చు. పౌరులకు ఒకే చోట వివిధ ప్రభుత్వ సేవలను పొందేందుకు ప్రభుత్వం ఉమంగ్ యాప్‌ను విడుదల చేసింది. ఈ యాప్‌ని ఉపయోగించి వినియోగదారులు క్లెయిమ్‌లను సమర్పించవచ్చు. వారి EPF పాస్‌బుక్‌ని చూడవచ్చు. వారి క్లెయిమ్‌లను ట్రాక్ చేసుకోవచ్చు. దీని కోసం మీరు యాప్‌లో మీ ఫోన్ నంబర్‌ను నమోదు చేసి, వన్-టైమ్ రిజిస్ట్రేషన్ చేసుకోవాలి.
EPFO పోర్టల్:
EPFO వెబ్‌సైట్‌కి వెళ్లి ఉద్యోగుల విభాగంపై క్లిక్ చేసి, ఆపై ఖాతాదారుని పాస్‌బుక్‌పై క్లిక్ చేయండి. మీ UAN పాస్‌వర్డ్‌ను నమోదు చేయడం ద్వారా మీరు PF పాస్‌బుక్‌ని యాక్సెస్ చేయవచ్చు. ఇందులో, ఓపెనింగ్, క్లోజింగ్ బ్యాలెన్స్‌తో పాటు ఉద్యోగి, యజమాని గురించి చూపిస్తుంది. ఏదైనా PF బదిలీ మొత్తం , పొందిన PF వడ్డీ మొత్తం కూడా కనిపిస్తుంది. ఈపీఎఫ్ బ్యాలెన్స్ పాస్ బుక్ లో కూడా చూడవచ్చు.
మిస్డ్ కాల్స్:
మీ మొబైల్ నంబర్ UANతో రిజిస్టర్ అయినట్లయితే, మీరు మీ రిజిస్టర్డ్ మొబైల్ నంబర్ నుండి 9966044425కు మిస్డ్ కాల్ చేయడం ద్వారా సమాచారాన్ని పొందవచ్చు. ఈ నంబర్‌కు మిస్డ్ కాల్ చేసిన తర్వాత, మీకు EPFO నుండి కొన్ని మెసేజ్ లు వస్తాయి. అందులో మీ PF ఖాతాల బ్యాలెన్స్ మీకు కనిపిస్తుంది.
ఎస్ఎంఎస్:
మీరు 7738299899కి మెసేజ్ చేయడం ద్వారా మీ EPF ఖాతా బ్యాలెన్స్, మీ ఖాతాకు సంబంధించిన పూర్తి సమాచారాన్ని తెలుసుకోవచ్చు. దీని కోసం మీరు AN EPFOHO ENG అని టైప్ చేసి, రిజిస్టర్డ్ నంబర్ నుండి మెసేజ్ చేయాలి. ఇక్కడ ENG ఆంగ్లాన్ని సూచిస్తుంది. మీరు వేరే భాషలో తెలుసుకోవాలనుకుంటే, ఆ భాషలోని మొదటి మూడు అక్షరాలను టైప్ చేయండి.అంతే సింపుల్ మీరు పీఎఫ్ బ్యాలెన్స్ చెక్ చేసుకోవచ్చు.