TS News: న్యూఇయర్ వేడుకల్లో రేవంత్ రెడ్డి పాట.. ఘర్షణలో కాంగ్రెస్ నేత మృతి

CM Revanth Reddy Song Issue: కామారెడ్డి జిల్లా నసురుల్లాబాద్ మండలం నాచుపల్లిలో విషాదం చోటు చేసుకుంది. గ్రామంలో నిన్న నిర్వహించిన న్యూఇయర్ వేడుకల్లో రేవంత్‌రెడ్డి పాట విషయంలో గొడవ చోటు చేసుకుంది. దీంతో రేవంత్‌రెడ్డి పాటను ప్లే చేయడంతో స్థానికులు డ్యాన్స్ చేశారు. ఈ క్రమంలో బీఆర్‌ఎస్, కాంగ్రెస్ నాయకుల మధ్య వివాదం తలెత్తినట్లు సమాచారం. ఈ సందర్భంగా జరిగిన దాడిలో కాంగ్రెస్ నాయకుడు సాదుల రాములు గాయాలపాలయ్యాడు.

ఇది కూడా చదవండి: Crime News : కొత్త ఏడాది కోలుకోలేని విషాదాలు..ఇప్పటికే ఎంత మంది చనిపోయారంటే?

దీంతో అతడిని ఆస్పత్రికి తరలించగా చికిత్స పొందుతూ చనిపోయాడు. బీఆర్‌ఎస్‌ కార్యకర్తలే రాములును హత్య చేశారని కుటుంబ సభ్యులు ఆరోపిస్తున్నారు. ఈ దాడిలో ప్రమేయం ఉన్న బీఆర్ఎస్ కార్యకర్తలు పరారీలో ఉండగా.. పట్టుకునేందుకు పోలీసులు గాలిస్తున్నారు. గ్రామంలో ఉద్రిక్తత నెలకొనడంతో పోలీసులు పెద్దఎత్తున మోహరించారు.