Shivangi Singh : ఏవరీ శివంగి సింగ్.. పాక్ ఎందుకు ఫేక్ ప్రచారం చేసింది?

పాకిస్తాన్ ఆడిన మరో అబద్ధాన్ని భారత్ బయటపెట్టింది. భారత్ కు చెందిన ఒక మహిళా పైలట్ పట్టుబడ్డారని పాకిస్తాన్ సోషల్ మీడియాలో ఒక అబద్ధాన్ని వేగంగా ప్రచారం చేసింది. అయితే ఇది పచ్చి అబద్ధమని ప్రెస్ ఇన్ఫర్మేషన్ బ్యూరో (PIB) తేల్చి చెప్పింది. అయితే- పాకిస్తాన్ తన సోషల్ మీడియా పోస్ట్‌లో చిక్కుకున్నట్లు చెప్పబడుతున్న భారత మహిళా పైలట్ పేరు శివాంగి సింగ్ ఎవరో తెలుసుకుందాం.  

శివంగి సింగ్ రాఫెల్ యుద్ధ విమానాన్ని నడిపిన భారత మొట్టమొదటి, ఏకైక మహిళా పైలట్. శివంగి సింగ్ 1995 మార్చి 15న ఉత్తరప్రదేశ్‌లోని వారణాసిలో జన్మించారు. ఆమె తండ్రి హరిభూషణ్ సింగ్ ఒక పాఠశాల ఉపాధ్యాయుడు. ప్రస్తుతం ఆయన ఒక ప్రభుత్వ పాఠశాలకు ప్రిన్సిపాల్‌గా ఉన్నారు. ఆమె తల్లి ప్రియాంక సింగ్ గృహిణి. శివాంగి ఒక సాధారణ కుటుంబానికి చెందినది. ఆమె ముత్తాత బాలికల విద్య కోసం తనకున్న భూమిని విరాళంగా ఇచ్చారు. శివాంగి తన ప్రాథమిక విద్యను వారణాసిలోనే చేసింది. మెకానికల్ ఇంజనీరింగ్‌లో బిటెక్ చేసింది.

 9 సంవత్సరాలు వయసులో 

శివాంగి పైలట్ అయ్యే కథ కూడా చాలా ఆసక్తికరంగా ఉంటుంది. ఒకప్పుడు తన గ్రామంలో ఒక రాజకీయ నాయకుడి హెలికాప్టర్ దిగిన సంఘటన ఆమెను పైలట్ కావడానికి ప్రేరణనిచ్చింది. అయితే, శివాంగి ఒక ఇంటర్వ్యూలో మాట్లాడుతూ, దాదాపు రెండు దశాబ్దాల క్రితం తాను న్యూఢిల్లీలోని ఎయిర్ ఫోర్స్ మ్యూజియంకు వెళ్ళినప్పుడు, అక్కడి యుద్ధ విమానాలను చూసి ఆశ్చర్యపోయానని అన్నారు. ఆమెకు విమానాలు చాలా ఉత్సాహంగా ఉన్నాయనిపించింది, ఆమె తన చేతులతో వాటిని తాకింది. అప్పటికి ఆమె వయసు కేవలం 9 సంవత్సరాలు మాత్రమే. ఆ ఇంటర్వ్యూలో శివాంగి మాట్లాడుతూ, తాను పైలట్ కావాలని నిర్ణయించుకున్న రోజు ఇదేనని చెప్పింది. ఆ తర్వాత ఆమె దానికి సిద్ధమై భారత వైమానిక దళానికి ఎంపికైంది. ఆమె హైదరాబాద్‌లోని ఇండియన్ ఎయిర్ ఫోర్స్ అకాడమీ (AFA) నుండి శిక్షణ పొందింది. శివంగి సింగ్ 2017 లో వైమానిక దళంలో నియమితులయ్యారు. మొదటగా ఆమె బైసన్ ఫైటర్ జెట్‌ను నడిపారు, ఇది భారత వైమానిక దళంలో అత్యుత్తమ విమానంగా పరిగణించబడుతుంది.  శివాంగి సింగ్ రాఫెల్ ఫైటర్ జెట్‌ను నడిపిన మొదటి భారతీయ మహిళా పైలట్ అయ్యారు. 

ఆపరేషన్ సిందూర్ తర్వాత పాకిస్తాన్ ప్రతీకార డ్రోన్, క్షిపణి దాడులను నిర్వహించింది. దీనిని భారత సైన్యం పూర్తిగా తిప్పికొట్టింది. దీంతో  పాకిస్తాన్ సోషల్ మీడియాలో నకిలీ వార్తలను వ్యాప్తి చేయడం ప్రారంభించింది, అందులో ఒకటి శివంగి సింగ్ గురించి. ఆమెను  పాకిస్తాన్ బంధించిందని ఒక పోస్ట్‌లో వెల్లడించింది.  పాకిస్తాన్ చేసిన తప్పుడు వాదనలను ప్రెస్ ఇన్ఫర్మేషన్ బ్యూరో (PIB) యొక్క ఫ్యాక్ట్-చెక్ యూనిట్ వెంటనే తోసిపుచ్చింది.  శివంగి సింగ్  ఇండియాలోనే సురక్షితంగా ఉన్నారంటూ వెల్లడించింది.