షాకింగ్: రాజస్థాన్‌లో బయటపడ్డ అరుదైన భారీ డైనోసార్ అస్థిపంజరం

రాజస్థాన్‌లోని జైసల్మేర్ జిల్లాలో పురావస్తు శాస్త్రవేత్తలకు అరుదైన జురాసిక్ యుగం నాటి శిలాజాలు లభించాయి. ఓ చెరువు తవ్వకాల్లో బయటపడిన ఈ శిలాజాలలో ఒక డైనోసార్ అస్థిపంజరం, శిలాజ గుడ్డు అలాగే అనేక ఇతర అవశేషాలు ఉన్నాయి. ఇది ఈ ప్రాంతానికి ఉన్న ప్రాచీన చరిత్రపై కొత్త వెలుగును నింపింది. ఈ డైనోసార్ అస్థిపంజరం సుమారు 180 మిలియన్ల సంవత్సరాల క్రితం నాటిదని ప్రాథమిక అంచనా. స్థానిక ప్రజలు చెరువు తవ్వకాలు చేస్తుండగా, వారికి పెద్ద ఎముక లాంటి నిర్మాణాలు, వింత రాళ్ళు కనిపించాయి. వాటిని పరిశీలించిన పురావస్తు శాస్త్రవేత్తలు ఇవి డైనోసార్లకు సంబంధించినవని నిర్ధారించారు. లభ్యమైన శిలాజాల్లో ఒక మీడియం సైజ్‌లో ఉన్న డైనోసార్ అస్థిపంజరం ప్రధాన ఆకర్షణగా నిలిచింది. దానితో పాటు, గుడ్డు ఆకారంలో ఉన్న ఒక శిలాజం కూడా బయటపడింది. ఇది డైనోసార్ గుడ్డు అయి ఉండవచ్చని నిపుణులు భావిస్తున్నారు.

#WATCH | Jaisalmer, Rajasthan: Vertebrate fossils, potentially related to the Jurassic Era, found in Megha Village of Fatehgarh sub-division. pic.twitter.com/6KsZb9Q7NN

— ANI (@ANI) August 21, 2025

#WATCH | Jaisalmer, Rajasthan: A 201-million-year-old phytosaur fossil resembling a crocodile was discovered in Jaisalmer. pic.twitter.com/jPi64y3Thx

— ANI (@ANI) August 25, 2025

ఈ ఆవిష్కరణ భారతదేశంలో డైనోసార్ల ఉనికిపై మరింత లోతైన పరిశోధనలకు మార్గం సుగమం చేస్తుంది. రాజస్థాన్ ఇప్పటికే అనేక ప్రాచీన శిలాజాల ఆవిష్కరణలకు ప్రసిద్ధి. గతంలో కూడా ఈ ప్రాంతంలో డైనోసార్ల పాదముద్రలు, ఎముకలు లభ్యమయ్యాయి. తాజా ఆవిష్కరణను ధృవీకరించడానికి, జియోలాజికల్ సర్వే ఆఫ్ ఇండియా (GSI) బృందం ఈ శిలాజాలను పరిశీలన కోసం తమ ఆధీనంలోకి తీసుకుంది. ఈ శిలాజాల వయస్సు, జాతిని నిర్ధారించడానికి శాస్త్రీయ పరీక్షలు నిర్వహించనున్నారు.

Fossil-like remains, including a large bone-shaped structure, were discovered in a village in Rajasthan's Jaisalmer district on Wednesday, raising the possibility of the site being linked to the prehistoric #dinosaur era.
These unusual stone formations and bones resembling a… pic.twitter.com/OWRpMwDGXG

— SK Chakraborty (@sanjoychakra) August 21, 2025

ఈ ఆవిష్కరణ కేవలం శాస్త్రవేత్తలకు మాత్రమే కాకుండా పర్యాటకులకు కూడా ఆసక్తికరమైన అంశంగా మారింది. ఈ ప్రాంతాన్ని పురావస్తు పర్యాటక కేంద్రంగా అభివృద్ధి చేయడానికి అవకాశం ఉందని నిపుణులు పేర్కొంటున్నారు. ఈ పరిశోధనలు పూర్తయితే, భారతదేశ చరిత్రలో ఒక కొత్త అధ్యాయం మొదలవుతుందని భావిస్తున్నారు. ఈ అరుదైన శిలాజాలు ఇప్పుడు పర్యవేక్షణలో ఉంచి, భవిష్యత్తు పరిశోధనలకు సిద్ధం చేస్తున్నారు.