Pahalgam attack: కల్మా అంటే ఏంటీ.. అది చదవనందుకు ఉగ్రవాదులు ఎందుకు చంపేశారు?

జమ్మూ కాశ్మీర్‌లోని పహల్గామ్ ఉగ్రవాద దాడి ఘటనలో దాదాపుగా 28 మంది టూరిస్టులు బలైపోయారు. ఉగ్రవాదులు ముస్లిమేతరులను లక్ష్యంగా చేసుకుని దాడులకు పాల్పడ్డారని  ప్రత్యక్ష సాక్షులు చెబుతున్నారు. మగవారిని ప్యాంట్‌లును విప్పించి గుర్తింపు కోసం తనిఖీ చేశారని..  అలాగే కల్మా పఠించమని అడిగారని..  అలా చేయనివారని చంపేశారని ప్రత్యక్ష సాక్షులు చెబుతున్నారు. ఈ క్రమంలో కల్మా గురించి నెట్టింట తెగ సెర్చింగ్ చేస్తున్నారు.  ఇంతకీ కల్మా అంటే ఏమిటి.. దానికున్న ప్రాముఖ్యత ఏంటో ఇప్పుడు తెలుసుకుందాం. 

ఇస్లాంలో కల్మా అనేది అల్లాహ్ యొక్క ఏకత్వం. విశ్వాసాన్ని ధృవీకరించే విశ్వాస ప్రకటన. ముస్లింలు కల్మాను క్రమం తప్పకుండా పఠించడం అనేది అల్లాను మాత్రమే ఆరాధించడం. ప్రవక్త ముహమ్మద్ బోధనలను అనుసరించడం పట్ల తమకున్న నిబద్ధతను గుర్తుచేసుకోవడానికి ఒక మార్గం. ఇస్లాంలో ఆరు కల్మాలు ఉన్నాయి, ప్రతి ఒక్కటి ఒక ప్రత్యేకమైన ప్రయోజనాన్ని అందిస్తాయి.

ఇస్లామిక్ వెబ్‌సైట్‌ల ప్రకారం

1. మొదటి కల్మా: కల్మ తయ్యిబ్ (స్వచ్ఛత)

కల్మా పఠనం ముస్లింలు తమ విశ్వాసంతో కనెక్ట్ అవ్వడానికి, అల్లాహ్ పట్ల వారి భక్తిని బలోపేతం చేయడానికి సహాయపడుతుంది. మొదటి కల్మాను కల్మా తయ్యిబ్ అని పిలుస్తారు. ఇది అల్లాహ్ యొక్క ఏకత్వాన్ని ముహమ్మద్ ప్రవక్తత్వం యొక్క అంతిమతను ప్రకటిస్తుంది. దీనిని పఠించడం ద్వారా ఒక ముస్లిం అల్లాహ్ తప్ప వేరే దేవుడు లేడని నమ్ముతాడు. ఇది అతి ముఖ్యమైన కల్మా.  ముస్లిం విశ్వాసానికి ఇదే పునాది.

2. రెండవ కల్మ: కల్మ షహదా (సాక్ష్యం).

ఇది విశ్వాసానికి నిదర్శనం, అల్లాహ్ ఏకత్వం, ముహమ్మద్ ప్రవక్తత్వంపై విశ్వాసాన్ని పునరుద్ఘాటిస్తుంది. ఈ కల్మాను ఒక వ్యక్తి ఇస్లాంను అంగీకరించినప్పుడు పఠిస్తారు. దీని అర్థం అల్లాహ్ తప్ప వేరే దేవుడు లేడని నేను సాక్ష్యమిస్తున్నానని అర్థం.  

3. మూడవ కల్మ : కల్మా తమ్జీద్ (మహిమను పొందడం).

ఈ కల్మా అల్లాహ్ ను అతని పరిపూర్ణత,గొప్పతనాన్ని స్తుతిస్తుంది. ఇది అల్లాహ్ దయ పట్ల లోతైన కృతజ్ఞతా భావాన్ని వ్యక్తపరుస్తుంది.

4. నాల్గవ కల్మ: కల్మ తౌహీద్ (ఐక్యత).

ఈ కల్మా అల్లాహ్ ఏకత్వంపై విశ్వాసాన్ని బలపరుస్తుంది. అల్లాహ్ తప్ప ఆరాధనకు అర్హుడు మరెవరూ లేరు. ఆయన ఒక్కడే. ఆయనకు భాగస్వామి లేడు. రాజ్యం ఆయనదే.సమస్త స్తుతులు ఆయనకే. ఆయన జీవితాన్ని ప్రసాదిస్తాడు. మరణాన్ని కలిగిస్తాడు. ఆయన చేతిలో అన్ని మంచితనాలు ఉన్నాయి. ఆయనకు ప్రతిదానిపై అధికారం ఉందని చెబుతుంది. 

5. ఐదవ కల్మ : కల్మ అస్తఘ్ఫర్ (పశ్చాత్తాపం).

 ఏవైనా పాపాలకు క్షమాపణ కోరడం. పశ్చాత్తాపంతో అల్లాహ్ వైపు తిరిగి రావడానికి ఒక మార్గం. ఈ కల్మా వినయం యొక్క ప్రాముఖ్యతను, దైవిక దయ యొక్క అవసరాన్ని ప్రతిబింబిస్తుంది.

6. ఆరవ కల్మా: కల్మా రద్దే కుఫ్ర్ (విధేయత).

ఏకైక నిజమైన దేవుడు అల్లాహ్ కు విధేయతను ప్రకటించే ప్రార్థనను ఇది తెలియజేస్తుంది.  

కల్మాను పఠించలేదని ఉగ్రవాదులు టూరిస్టులను చంపడం దారుణలమని ముస్లిం మతస్థులు అంటున్నారు. మతాన్ని అడ్డుపెట్టుకుని పాకిస్థాన్ ఉగ్రవాదులు ఇలాంటి ఘాతాకాలకు పాల్పడుతున్నారని మండిపడుతున్నారు.  ఈ  ఉగ్రదాడిలో మరణించిన వారిలో సయ్యద్ అదిల్ హుస్సేన్ షా ఒక్కడే స్థానికుడు కూడా ఉన్నాడు.  గుర్రంపై పర్యాటకులను ఎక్కించుకుని పహల్‌గామ్ తీసుకెళ్తూ ఉంటాడు. హుస్సేన్ తన ప్రాణాలను లెక్కచేయకుండా ఉగ్రవాదులకు  ఎదురు తిరిగాడు. ఓ ఉగ్రవాది నుంచి రైఫిల్ లాక్కునేందుకు ప్రయత్నించగా పాపం అతని చేతిలో చంపబడ్డాడు. తమ బిడ్డ మరణానికి దేశం ప్రతీకారం తీర్చుకోవాలని అతడి తల్లి కోరింది. 

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు.