Delhi Burari: ఢిల్లీలో కుప్పకూలిన నాలుగంతస్తుల భవనం.. శిథిలాల కింద చిక్కుకుని!

ఢిల్లీలోని బురారీ ప్రాంతంలో ఘోర ప్రమాదం చోటు చేసుకుంది. కొత్తగా నిర్మాణం చేపట్టిన నాలుగంతస్తుల భవనం కుప్పకూలింది. రెస్క్యూ సిబ్బంది సహాయక చర్యలు చేపట్టారు. 10 మందిని రక్షించారు. మరో 12 - 15 మంది శిథిలాల కింద చిక్కుకొని ఉంటారని పోలీసులు భావిస్తున్నారు.

author-image
By Seetha Ram in నేషనల్ క్రైం
New Update
Four-storey building collapses in Delhi Burari

Four-storey building collapses in Delhi Burari

ఢిల్లీలోని బురారీ ప్రాంతంలో ఘోరమైన ప్రమాదం చోటుచేసుకుంది. కొత్తగా నిర్మాణం చేపట్టిన నాలుగంతస్తుల భవనం అతి దారుణంగా కుప్పకూలింది. ఈ ప్రమాదంలో శిథిలాల కింద పలువురు చిక్కుకున్నారు. దీంతో రెస్క్యూ సిబ్బంది అక్కడకు చేరుకుని శిథిలాల కింద చిక్కుకున్న వారిని కాపాడేందుకు సహాయక చర్యలు చేపట్టారు. 

10 మంది సేఫ్

ఇందులో దాదాపు 10 మందిని సురక్షితంగా బయటకు తీశారు. ఇంకా 12 నుంచి 15 మంది శిథిలాల కింద చిక్కుకొని ఉంటారని పోలీసులు భావిస్తున్నారు. ఈ ఘటనపై అధికారులు కొంత సమాచారాన్ని వెల్లడించారు. బురారీ ప్రాంతంలోని కౌశిక్‌ ఎన్‌క్లేవ్‌ భవనం కుప్పకూలిందన్నారు.

దాదాపు సాయంత్రం 6.30గంటల సమయంలో ఇది కుప్పకూలిందని పేర్కొన్నారు. 200 చదరపు గజాల విస్తీర్ణంలో ఉన్న ఈ భవనం ఒక్కసారిగా ప్రమాదవశాత్తు కుప్పకూలడంతో పలువురు దాని కింద చిక్కుకున్నారని తెలిపారు. ఇక సమాచారం రాగానే అగ్నిమాపక అధికారులు, పోలీసులు, ఎన్‌డీఆర్‌ఎఫ్‌ సహా ఇతర విభాగాల సిబ్బంది సంఘటనా స్థలానికి చేరుకొని సహాయక చర్యలు చేపట్టారు. 

#latest-telugu-news #delhi #crime news
Advertisment
సంబంధిత కథనాలు
Advertisment
Advertisment
తాజా కథనాలు