Diwali Holidays: గుడ్‌న్యూస్.. దీపావళి పండగకు 6 రోజులు సెలవులు

మొన్నటికి మొన్ననే దసరా పండుగ సందర్భంగా స్కూల్స్‌, కాలేజీలకు భారీగా సెలవులు వచ్చాయి. స్కూళ్లకు అయితే దాదాపు 10 రోజులు సెలవులు లభించాయి. దీంతో విద్యార్థులంతా హ్యాపీగా దసరా పండుగ చేసుకున్నారు. ఆ సెలవులు పూర్తయ్యాయి అనేలోపు భారీ వర్షాలు, వరదలు బీభత్సం సృష్టించాయి. దీంతో పలు పాఠశాలలకు మరో రెండు మూడు రోజులు సెలవులు వచ్చాయి. ఇలా వరుస సెలవులతో విద్యార్థులు ఫుల్ ఖుష్ అయ్యారు. 

అయితే ఇప్పుడు దీపావళి పండుగ మొదలైంది. దీంతో మరిన్ని రోజులు సెలవులు లభించనున్నాయి. విద్యార్థులకు ప్రభుత్వం తాజాగా గుడ్ న్యూస్ చెప్పింది. దీపావళి సందర్భంగా ఏకంగా 6 రోజులు సెలవులు ప్రకటించింది. అందులో ప్రభుత్వం 5 రోజులు సెలవులు అందిస్తుండగా.. 1 రోజు ఆదివారం కలిసొచ్చింది. ఈ సెలవులు అక్టోబర్ 29 నుంచి నవంబర్ 2 వరకు అంటే శనివారం వరకు ఉండగా.. నవంబర్ 3 ఆదివారం కావడంతో మొత్తం 6 రోజులు సెలవులు వచ్చాయి.

అయితే ఈ సెలవులు మరెక్కడో కాదు.. ఇటీవలే అసెంబ్లీ ఎన్నికలు జరిగి కొత్తగా ప్రభుత్వం ఏర్పడిన జమ్మూ కాశ్మీర్‌లో. ఆ రాష్ట్ర సీఎం ఒమర్ అబ్దుల్లా సర్కార్.. దీపావళి సందర్భంగా 5 రోజుల పాటు స్కూళ్లకు సెలవులు ప్రకటించింది. ఆ తర్వాత రోజు ఆదివారం కావడంతో మొత్తం ఆరు రోజులు సెలవులు దొరకనున్నాయి.

ఇది కూడా చదవండి: భారత్‌కు ఉగ్రవాది హెచ్చరిక.. రేపటి నుంచి!

ఈ విషయాన్ని తెలియజేస్తూ డైరెక్టరేట్ ఆఫ్ స్కూల్ ఎడ్యుకేషన్ జమ్మూ అధికారిక ఉత్తర్వులను జారీ చేసింది. ఆ ఉత్తర్వుల ప్రకారం.. దీపావళి సందర్భంగా జమ్మూలో అక్టోబర్ 29 నుండి  నవంబర్ 2 వరకు స్కూల్స్ మూసివేయనున్నట్లు తెలిపింది. హయ్యర్ సెకండరీ స్థాయి వరకు ప్రభుత్వ, ప్రైవేట్ విద్యా సంస్థలన్నింటికీ ఈ నిబంధనలు వర్తిస్తాయని పేర్కొంది.

ఇది కూడా చదవండి: రూ.500 బోనస్ ఇచ్చే సన్న రకాలు ఇవే!

నవంబర్ 3 ఆదివారం కావడంతో తిరిగి 4వ తేదీన విద్యాసంస్థలు ఓపెన్ చేయనున్నట్లు తెలిపింది. ఇదిలా ఉంటే ఇటీవలే తమిళనాడు ప్రభుత్వం నవంబర్ 1వ తేదీ వరకు అన్ని విద్యాసంస్థలకు దీపావళి సెలవులు ప్రకటించింది.