cloud burst: క్లౌడ్ బరస్ట్ ఇలానే సంభవిస్తోంది..!

కిష్త్వార్ క్లౌడ్ బరస్ట్

జమ్మూ కాశ్మీర్‌లోని కిష్త్వార్ జిల్లాలోని మచైల్ మాతా ఆలయ సమీపంలో ఆకస్మిక వరదలు సంభవించాయి. దీంతో 33 మంది మరణించారు. దాదాపు 200 మంది గల్లంతయ్యారు. వారిలో ఎక్కువ మంది భక్తులే. పర్వత ప్రాంతాల్లో క్లౌడ్‌బరస్ట్ కారణంగా ఈ వరద సంభవించిందని వాతారవణ నిపుణులు చెబుతున్నారు. బురదతో కూడిన వరద నీరు చాషోటి గ్రామంలోకి ప్రవేశించింది, అక్కడ యాత్రికులు తాత్కాలిక శిబిరాలు, ఇళ్లను ఏర్పాటు చేసుకున్నారు. ఈ గ్రామం ఆలయం నుండి దాదాపు 8 కి.మీ దూరంలో ఉంది మరియు సముద్ర మట్టానికి దాదాపు 8,000 అడుగుల ఎత్తులో ఉంది. మృతుల్లో ఇద్దరు సెంట్రల్ ఇండస్ట్రియల్ సెక్యూరిటీ ఫోర్స్ (CISF) సిబ్బంది కూడా ఉన్నారు.

మేఘ విస్ఫోటనం (క్లౌడ్ బరస్ట్) అనేది వాతావరణంలో సంభవించే ఒక అసాధారణ మరియు తీవ్రమైన ప్రక్రియ. ఇది సాధారణ వర్షం కన్నా చాలా భిన్నమైనది. ఒక నిర్దిష్ట ప్రదేశంలో, చాలా తక్కువ సమయంలో భారీగా వర్షం కురవడాన్ని మేఘ విస్ఫోటనం అంటారు. భారత వాతావరణ శాఖ (IMD) నిర్వచనం ప్రకారం, ఒక చిన్న ప్రాంతంలో (సుమారు 20-30 చదరపు కిలోమీటర్లు) ఒక గంటలో 100 మిల్లీమీటర్లు (10 సెంటీమీటర్లు) లేదా అంతకంటే ఎక్కువ వర్షపాతం నమోదైతే దానిని మేఘ విస్ఫోటనం అంటారు. ఈ రకమైన వర్షం ఆకస్మిక వరదలకు, కొండచరియలు విరిగిపడటానికి దారితీస్తుంది.

A massive cloudburst has struck the Chishoti area in Jammu & Kashmir’s Kishtwar, along the route to the Machail Mata Yatra.

As per initial reports heavy losses are feared.

Our thoughts and prayers are with the victims, their families, and all those affected by this calamity. pic.twitter.com/fFP4860Gty

— J&K Congress (@INCJammuKashmir) August 14, 2025

మేఘ విస్ఫోటనం (క్లడ్ బరస్ట్)

మేఘ విస్ఫోటనం సాధారణంగా కొండ లేదా పర్వత ప్రాంతాల్లో ఎక్కువగా సంభవిస్తుంది. దీని వెనుక కొన్ని ప్రత్యేకమైన భౌగోళిక, వాతావరణ పరిస్థితులు ఉంటాయి.

#JammuAndKashmir
A massive cloudburst struck the Chositi (Chishoti/Chashoti) area of Paddar sub-division in Kishtwar district, along the Machail Mata Yatra route. #Cloudburstpic.twitter.com/6joaVZSvn9

— pardeep jakhar (@jakharpardeep) August 14, 2025

• తేమతో కూడిన గాలులు: వేడి గాలులు, ముఖ్యంగా తేమతో కూడిన గాలులు భూమి నుంచి పైకి లేస్తాయి. ఈ గాలులు పైకి వెళ్ళేటప్పుడు అవి చల్లగా మారి మేఘాలను ఏర్పరుస్తాయి.

• పర్వతాల పాత్ర: పర్వత ప్రాంతాల్లో, వేడి గాలులు పర్వతాల వాలులను తాకినప్పుడు వేగంగా పైకి వెళ్తాయి. ఈ ప్రక్రియ వల్ల మేఘాలు త్వరగా మరియు పెద్దగా పెరుగుతాయి.

• నీటి బిందువుల ఘనీభవనం: పర్వతాల పైకి వెళ్ళిన మేఘాలు చల్లని గాలి పొరలను తాకినప్పుడు, వాటిలోని నీటి ఆవిరి వేగంగా ఘనీభవిస్తుంది. ఈ నీటి బిందువులు ఒకదానితో ఒకటి కలిసిపోయి పెద్ద వర్షపు బిందువులుగా మారతాయి. ఈ ప్రక్రియను లాంగ్ముయిర్ అవపాతం అంటారు.

• ఒకేసారి వర్షం: ఈ మేఘాలు ఒక నిర్దిష్ట స్థాయికి చేరుకున్న తర్వాత, వాటిలోని నీటి బరువును భరించలేవు. దాంతో, ఆ మేఘాలు పగిలిపోయి (burst), వాటిలోని నీరంతా ఒక్కసారిగా, కుండపోతగా కిందకు వస్తుంది. ఇది కేవలం కొన్ని నిమిషాల వ్యవధిలోనే జరుగుతుంది, ఫలితంగా భారీ వరదలు సంభవిస్తాయి.