Hajj Yatra: హజ్‌ యాత్రలో 550 మందికి పైగా యాత్రికుల మృతి!

Hajj Yatra: సౌదీ అరేబియాలో ఎండ తీవ్రత హజ్‌ యాత్రికులను అల్లకల్లోలం చేస్తుంది. వేడి వల్ల ఇప్పటి వరకు హజ్ యాత్రలో కనీసం 550 మంది హజ్‌ యాత్రికులు చనిపోయారు.ఇందులో ఈజిప్ట్ దేశస్థులు ఎక్కువగా మరణించారు. అక్కడి అధికారులు మీడియాతో మాట్లాడుతూ.. ఈజిప్టు నుంచి 323 మంది హజ్ యాత్రికులు వేడి వల్ల అస్వస్థతకు గురై అనారోగ్యాల కారణంగా మరణించారు. ఈజిప్టులోని 323 మంది హజ్ యాత్రికులలో ఒకరు మినహా అందరూ వేడి కారణంగా మరణించారని దౌత్యవేత్త ఒకరు వివరించారు.

రద్దీ సమయంలో హజ్ యాత్రికుడు కూడా గాయపడ్డాడు. ఈ డేటా మక్కా సమీపంలోని అల్-ముయిస్సామ్‌లోని ఆసుపత్రి మార్చురీ నుంచి వచ్చిందని అధికారి ఒకరు చెప్పారు. ఈ సారి హజ్ యాత్రలో దాదాపు 18.3 లక్షల మంది పాల్గొనగా, వారిలో 22 దేశాలకు చెందిన 16 లక్షల మంది ఉన్నారని సౌదీ హజ్ నిర్వాహకులు పేర్కొన్నారు. కనీసం 60 మంది జోర్డానియన్లు మరణించినట్లు అధికారులు తెలిపారు.

ఈ సంఖ్య మంగళవారం అమ్మన్ నుంచి విడుదలైన అధికారిక సంఖ్య కంటే ఎక్కువ, ఇందులో 41 మరణాలు నమోదయ్యాయి. కొత్త మరణాలతో అనేక దేశాలు ఇప్పటివరకు నివేదించిన మొత్తం 577కి చేరుకున్నాయి. మక్కాలోని అతిపెద్ద శవాగారాల్లో ఒకటైన అల్-ముయిసం వద్ద మొత్తం 550 మృతదేహాలు ఉన్నాయని దౌత్యవేత్తలు వివరించారు. మృతదేహాలను సంబంధీకులకు అప్పగించేందుకు ఏర్పాట్లు చేస్తున్నట్లు తెలిపారు.

తమ దేశం నుంచి వచ్చిన యాత్రికులు చాలా మంది ఆచూకీ తెలియరావడం లేదని ఈజిప్టు ప్రభుత్వ వర్గాలు హజ్‌ నిర్వహకులకు తెలిపాయి. వారిని గుర్తించేందుకు ముమ్మర చర్యలు చేపట్టినట్లు వివరించాయి.

Also read: అమెజాన్‌ పార్శిల్ లో పాము..షాకైన కస్టమర్‌!