Kavitha: విద్యార్థులు ఎందుకు చనిపోతున్నారు.. ఎమ్మెల్సీ కవిత ప్రశ్నలు

MLC Kavitha: గురుకుల పాఠశాలలో బాలికలు చనిపోవడంపై స్పందించారు బీఆర్ఎస్ ఎమ్మెల్సీ కవిత. సూర్యాపేట మండలం ఇమాంపేట ఎస్సీ బాలికల గురుకుల పాఠశాలకు చెందిన మరో విద్యార్థిని ఆత్మహత్య చేసుకోవడం బాధాకరం అని అన్నారు. ఒకే పాఠశాలకు చెందిన ఇద్దరు విద్యార్థినులు కొద్ది కాలం వ్యవధిలోని ఆత్మహత్య చేసుకున్నారని పేర్కొన్నారు.

తెలంగాణ సాంఘిక సంక్షేమ పాఠశాలల్లో ఏం జరుగుతోంది ? అని ఆమె ప్రశ్నించారు. విద్యార్థులు ఎందుకు ఇలా వరుసగా ఆత్మహత్యలు చేసుకుంటున్నారు ? అని అడిగారు. పూర్తిస్థాయి సాంఘిక సంక్షేమ శాఖ మంత్రి లేకపోవడం ఇలాంటి అనేక సమస్యలను ప్రభుత్వం పట్టించుకోలేకపోతుందని మండిపడ్డారు. తక్షణమే పూర్తిస్థాయి సంక్షేమ శాఖ మంత్రిని నియమించడంతో పాటు విద్యార్థులకు కౌన్సిలింగ్ ఇచ్చే దిశగా ప్రభుత్వం ఆలోచన చేయాలని మనవి చేశారు.

ALSO READ: కాంగ్రెస్, బీజేపీ ఒక్కటే.. మాజీ మంత్రి నిరంజన్ కీలక వ్యాఖ్యలు

సూర్యాపేట మండలం ఇమాంపేట ఎస్సీ బాలికల గురుకుల పాఠశాలకు చెందిన మరో విద్యార్థిని ఆత్మహత్య చేసుకోవడం బాధాకరం. ఒకే పాఠశాలకు చెందిన ఇద్దరు విద్యార్థినులు కొద్ది కాలం వ్యవధిలోని ఆత్మహత్య చేసుకున్నారు.

తెలంగాణ సాంఘిక సంక్షేమ పాఠశాలల్లో ఏం జరుగుతోంది ? విద్యార్థులు ఎందుకు ఇలా వరుసగా…

— Kavitha Kalvakuntla (@RaoKavitha) February 18, 2024

అసలేమైంది..

తెలంగాణలో గురుకుల విద్యార్ధుల వరుస ఆత్మహత్యలు కలవరపెడుతున్నాయి. ఇటీవలే సూర్యపేటలోని ఇమాంపేట గురుకుల పాఠశాలలో ఇంటర్ విద్యార్థిని ఆత్మహత్య సంచలనం రేపిన విషయం తెలిసిందే. కాగా మరోసారి అదే పాఠశాలకు చెందిన మరో విద్యార్థిని ఆత్మహత్య చేసుకుంది. ఈ హాస్టల్ లో పదో తరగతి చవుదుతున్న ఇరుగు అస్మిత ( 15) అనే బాలిక ఫ్యాన్ కు ఉరేసుకుని చనిపోయింది.