Cricket: ఎమ్మెల్యే రికార్డ్ బ్రేక్ చేసిన సిరాజ్.. పోస్ట్ వైరల్

Mohammed Siraj: హుజారాబాద్ బీఆర్ఎస్ (BRS) ఎమ్మెల్యే (MLA) పాడి కౌశిక్ రెడ్డి (kaushik-reddy) టీమిండియా స్టార్ బౌలర్ మహ్మద్ సిరాజ్‌ (siraj)ను కలిశారు. ఈ సందర్భంగా తన చిన్ననాటి జ్ఞాపకాలను గుర్తు చేసుకుంటూ కౌశిక్ రెడ్డి ఎమోషనల్ అయ్యారు. సిరాజ్‌ని చూస్తుంటే తనను తాను చూసుకున్నట్లు అనిపిస్తోందని, తెలంగాణలో ఫాస్టెస్ట్ బౌలర్‌గా తన రికార్డును సిరాజ్ బద్ధలు కొట్టాడని తెలిసి చాలా సంతోషించానంటూ సోషల్ మీడియాలో ఇంట్రెస్టింగ్ పోస్ట్ పెట్టారు.

Happy to have met my younger self.
Happy to know he broke my record of the fastest bowler of Telangana.@mdsirajofficial success and journey reminds me of these lines.

"You are what your deep, driving desire is. As your desire is, so is your will.
As your will is, so is your… pic.twitter.com/7ThahZO5Ah

— Padi Kaushik Reddy (@KaushikReddyBRS) January 14, 2024

తెలంగాణలో ఫాస్టెస్ట్ బౌలర్‌..
'మహ్మద్ సిరాజ్‌ను కలుసుకోవడం చాలా ఆనందంగా ఉంది. తెలంగాణలో ఫాస్టెస్ట్ బౌలర్‌గా ఉన్న నా రికార్డును సిరాజ్‌ బ్రేక్‌ చేయడం సంతోషకరం. సిరాజ్‌ విజయం, ఆయన ప్రయాణం చూస్తుంటే నాకు గర్వంగా ఉంది. నా చిన్నతనాన్ని తలుచుకుంటే చాలా సంతోషంగా అనిపిస్తోంది. @mdsirajofficial విజయం నా క్రికెట్ ప్రయాణాన్ని గుర్తు చేస్తుంది. మీ కోరిక ఏమిటో.. అది ఎలా ఉంటుందో.. మీ సంకల్పం కూడా అలాగే ఉండాలి. నీ చిత్తం ఎలా ఉంటుందో.. నీ కర్మ కూడా అలాగే ఉంటుంది. మీ కర్మ ఎలా ఉందో.. మీ విధి కూడా అలాగే ఉంటుంది' అంటూ సిరాజ్ ను అప్యాయంగా హత్తుకున్న ఫొటోను షేర్ చేయగా ఇరువురి అభిమానులు మురిసిపోతున్నారు. ఇద్దరిని పొగుడుతూ కామెంట్స్ చేస్తున్నారు.

ఇక ఎమ్మెల్యే కౌశిక్‌ రెడ్డి ఒకప్పుడు మంచి క్రికెటర్‌ ప్లేయర్. హైదరాబాద్‌ జట్టు తరఫున 2004 నుంచి 2007 వరకు 15 ఫస్ట్‌ క్లాస్‌ మ్యాచ్‌లు ఆడిన ఆయన.. అప్పట్లో బౌలింగ్ లో అదరగొట్టారు. ఎంతటి బ్యాట్స్ మెన్ అయినా కౌశిక్ రెడ్డి బాల్ పట్టాడంటే హడలెత్తిపోయేవారు.