Chiru: ఒకే ఫ్రేమ్ లో మెగా ఫ్యామిలీ.. చిరు సంక్రాంతి స్పెషల్ పోస్ట్ వైరల్

Mega family:  ఈ సంక్రాంతి (Sankranthi ) సెలబ్రేషన్స్ మెగా ఫ్యామిలీ  ఘనంగా జరుపుకుంటోంది. పెద్దలు, పిల్లలంతా ఒకేచోట చేరి కన్నుల పండుగగా సంబరాల్లో మునిగితేలారు. ఆదివారం ఉదయమే బెంగ‌ళూరులోని ఫాంహౌస్‌కు చేరుకున్న మెగా కుటుంబం.. ఉదయం నుంచి స్వయంగా టిఫిన్స్, స్నాక్స్, పిండివంటలు చేసుకుని తిన్నారు. ఇక ఇందుకు సంబంధించిన ఫొటోలను అభిమానులతో పంచుకున్నారు నటుడు చిరంజీవి.

ఈ మేరకు 'పాడి పంటల,భోగ భాగ్యాల ఈ సంక్రాంతి.. ప్రతి ఇంటా ఆనందాల పంటలు పండించాలని ఆశిస్తూ అందరికీ సంక్రాంతి శుభాకాంక్షలు' చెప్పారు. అలాగే ఒకే ఫ్రేమ్ లో మెగా ఫ్యామిలీ మొత్తం దిగిన ఫొటోను ట్విట్టర్ వేదికగా ఆయన షేర్ చేశారు.

ఇక ఈ యేడాది చిరు ఫ్యామిలీలోకి మ‌నుమ‌రాలు క్లింకార రావడం, వ‌రుణ్ తేజ్ లావ‌ణ్యల పెళ్లి ప్రత్యేకంగా నిలిచాయి.అలాగే కోడలు ఉపాసన ఇన్‌స్టాగ్రామ్ లో స్టోరీలో ఇందుకు సంబంధించిన ఫొటోలు, వీడియోలు నెట్టింట షేర్ చేయగా తెగ వైరల్ అవుతున్నాయి.

సురేఖ దోశలు వేయడం, రామ్ చరణ్ సహకరించడం వంటి సరదా సన్నివేశాల ఫొటోలు మెగా అభిమానులను అలరిస్తున్నాయి. అంతేకాదు ఆదివారం జనవరి 13న పంజా వైష్ణవ తేజ్ పుట్టినరోజు కావడంతో బర్త్ డే పార్టీ ఘనంగా జరిపారు.