/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2024/06/job.jpg)
Man Applies For Job : ఉద్యోగం (Job) లో చేరేముందు కచ్చితంగా అభ్యర్థికి సంబంధించిన వివరాలను జోడిస్తూ.. ఆకర్షణీయంగా రెస్యూమ్‌ (Resume) ని తీర్చిదిద్దుతుంటారు. అయితే అందరిలా ఉంటే నా ప్రత్యేకత ఏం ఉంటుందని చాలా మంది కొత్త పద్దతుల్లో రెస్యూమ్‌ ని తయారు చేస్తుంటారు. కొందరు అయితే డైరెక్ట్‌ గానే ఎంత డబ్బు కావాలని అడిగే వారు కూడా ఉంటారు.
అయితే తాజాగా ఓ అభ్యర్థి తన ఉద్యోగ అభ్యర్థనలో పెళ్లి (Marriage) ప్రస్తావించడం కంపెనీ సీఈఓ దృష్టికి వెళ్లింది. దీంతో దానిని కాస్తా ఆ సీఈవో సోషల్‌ మీడియాలో పెట్టడంతో వైరల్ గా మారింది. చిన్నప్పటి నుంచి ప్రేమించిన అమ్మాయిని పెళ్లి చేసుకోవాలంటే ఉద్యోగం ఉండి తీరాలనే కండీషన్ పెట్టాడు పిల్ల తండ్రి.
దీంతో ఎలాగైనా ఉద్యోగం సంపాదించాలనుకుని ఇదే విషయాన్ని రెస్యూమ్‌ లో కూడా ప్రస్తావించాడు. ఉద్యోగం వస్తేనే కూతురిని ఇస్తానని ప్రియురాలి తండ్రి చెప్పారని..ఈ ఉద్యోగం రాకపోతే ఎప్పటికీ పెళ్లి కాదు అంటూ చెప్పుకొచ్చాడు.
ఉద్యోగం కోసం వచ్చిన అప్లికేషన్స్ ను పరిశీలించిన అర్వా హెల్త్‌ వ్యవస్థాపకురాలు సీఈఓ డిపాలీ బజాజ్‌ (Dipali Bajaj) ఈ విషయం చూసి షాక్‌ అయ్యారు. జాబ్‌ రోల్‌ కు సంబంధించిన ఫోటోను ట్విటర్‌ వేదికగా పంచుకున్నారు. ఉద్యోగ నియామకం కూడా సరదా అయిపోయిందని ఆమె రాసుకోచ్చారు. దీంతో ఈ పోస్ట్‌ కూడా నెట్టింట వైరల్ అయ్యింది.