Summer Tips: వేసవిలో ఇలా చేస్తే.. దెబ్బకు ఇల్లు ఏసీలా మారుతుంది! ట్రై చేయండి

SUMMER TIPS: బయట ఎండలు భగ్గుమంటున్నాయి. ఈ సమయంలో ఇంట్లో ఉండలేము.. బయటకు వెళ్లలేము అనే పరిస్థితి ఉంటుంది. ఇంట్లో ఉంటేనేమో ఉక్కపోత.. బయటకు వెళితే మండే ఎండలు. ఇంట్లో ఏసీ ఉంటే పర్వాలేదు. కానీ ఏసీ లేనివారు సెగలు కక్కే వేడితో అల్లాడిపోతారు. ఇలాంటి వారి కోసమే ఈ చిట్కాలు. ఇవి పాటిస్తే మీ ఇల్లు ఏసీ కంటే చల్లగా మారిపోతుంది. అవేంటో ఇక్కడ తెలుసుకోండి.. 

 ఉదయం కిటికీలు మూసివేయండి

• ఉదయాన్నే ఇంట్లోకి ఎండ వస్తున్న సమయంలో కిటికీలు మూసివేయాలి. లేదంటే వేడి లోపలికి వస్తుంది. మధ్యాహ్నం వరకు కిటికీ కర్టెన్స్ వేసి ఉంచడం వల్ల ఇల్లు చల్లగా ఉంటుంది. 

గ్రీన్ కర్టెన్స్ లేదా డార్క్ కర్టెన్స్ 

• సన్‌లైట్‌  ఇంట్లోకి రాకుండా  బ్లాక్ చేయాలంటే మందమైన కర్టెన్లు లేదా గ్రీన్ షేడ్స్  ఉన్నవి ఉపయోగించండి. ఇవి లోపల చల్లదనాన్ని కలిగిస్తాయి.

ఉప్పు నీటితో ఫ్లోర్ మోపింగ్

• రోజులో ఒకసారి చల్లటి నీటిలో కొద్దిగా  ఉప్పు వేసి  ఫ్లోర్  క్లీన్ చేయడం వల్ల వేడి తగ్గుతుంది.

 మొక్కలు

• తులసి , స్పైడర్ ప్లాంట్ వంటి మొక్కలను ఇంట్లో పెంచడం ద్వారా చల్లని వాతావరణాన్ని కలిగిస్తాయి.  తేమ, ఆక్సిజన్ లెవెల్స్ పెంచుతాయి.

టెర్రస్ పై నీళ్లు

• ఇంటి టెర్రస్ పై వేడి ఎక్కువైతే  మధ్యాహ్నం సమయంలో కొద్దిగా నీరు చల్లండి. ఇది రూఫ్‌కి చల్లదనాన్ని ఇస్తుంది.

వంటగదిలో ఎక్స్‌హాస్ట్ ఫ్యాన్ 

• వేసవిలో వంట గదిలో  ఎక్స్‌హాస్ట్ ఫ్యాన్స్ తప్పనిసరిగా ఉంచాలి. ఇది ఇంట్లో వేడి పెరగకుండా ఉండేందుకు సహాయపడుతుంది.  

 సాయంత్రం తరువాత కిటికీలు 

• వేడి తగ్గిన తరువాత  సాయంత్రం 6 గంటలకు  కిటికీలు తెరిచి గాలిని లోపలికి రానివ్వండి.

లైట్లు, ఎలక్ట్రానిక్స్ తగ్గించండి

• ట్యూబ్‌లైట్స్, ల్యాప్టాప్‌లు, టీవీలు ఎక్కువ వేడిని  ఉత్పత్తి చేస్తాయి. కావున సమ్మర్ లో వీలైనంత వరకు వీటిని ఆఫ్ చేసి ఉంచడం మంచిది. 

 ఇంట్లో తడి వాతావరణం

• ఇంట్లోని ఒక మూలలో నీటి కుండలు పెట్టడం లేదా చిన్న ఫౌంటైన్‌లతో పెట్టడం ద్వారా చల్లటి వాతావరణం కలిగిస్తాయి. 

telugu-news | summer-tips | house cooling tips | life-style | latest-news