Pregnant Women: గర్భిణులు వేడి నీటితో స్నానం చేయకూడదా?

Pregnant Women Bath: గర్భవతిగా ఉన్నప్పుడు వేడి నీటితో స్నానం చేయడం పూర్తిగా సురక్షితం. కానీ చాలా వేడిగా ఉండకుండా చూసుకోవాలి. గర్భధారణ సమయంలో హార్మోన్ల మార్పులు సాధారణం కంటే ఎక్కువగా ఉంటాయి.  వేడి నీరు శరీర ఉష్ణోగ్రతను 102.2°F (39°C) కంటే ఎక్కువగా మారుస్తుంది. గర్భధారణ సమయంలో ఇది ప్రమాదకరం. కొన్ని అధ్యయనాలు మొదటి త్రైమాసికంలో అధిక శరీర ఉష్ణోగ్రత పుట్టుకతో వచ్చే లోపాల ప్రమాదాన్ని పెంచుతుందని నిరూపించాయి. 

ఎక్కువగా పెంచేంత వేడి నీటిలో స్నానం చేయొద్దు:

వేడి నీరు రక్త ప్రసరణను తగ్గిస్తుంది. ఇది పిండంలో రక్త ప్రవాహాన్ని ప్రభావితం చేస్తుంది. తలతిరగడం, వికారం, మూర్ఛ,పడిపోవడం వంటి లక్షణాలు ఎక్కువసేపు స్నానం చేయడం వల్ల ఇన్ఫెక్షన్ వచ్చే ప్రమాదం ఉంది. శరీరం వేడిగా మారితే చల్లని ప్రదేశానికి వెళ్లండి, పుష్కలంగా నీరు తాగండి, వదులుగా ఉండే బట్టలు ధరించండి. శరీరంపై తడి బట్టలు ఉంచాలని వైద్యులు చెబుతున్నారు. లక్షణాలు గంట కంటే ఎక్కువ ఉంటే వెంటనే చికిత్స తీసుకోవాలి. 100 డిగ్రీల ఫారెన్‌హీట్ కంటే ఎక్కువ వేడిగా లేనంత వరకు, గర్భధారణ సమయంలో స్నానం చేయడం మంచిది. శరీర ఉష్ణోగ్రతను 102.2 డిగ్రీల ఫారెన్‌హీట్ (39 డిగ్రీల సెల్సియస్) కంటే ఎక్కువగా పెంచేంత వేడి నీటిలో స్నానం చేయొద్దని నిపుణులు అంటున్నారు.

ఇది కూడా చదవండి: మయోనైస్‌ ఎందుకు అంత ప్రమాదకరం?

అధిక ఉష్ణోగ్రతలు, ముఖ్యంగా గర్భధారణ ప్రారంభంలో న్యూరల్ ట్యూబ్ లోపాల ప్రమాదాన్ని పెంచుతాయి. అందువల్ల గర్భధారణ సమయంలో బాగా వేడినీళ్లు పోసుకోకూడదు. స్నానం చేసే ముందు చేతి లేదా మణికట్టుతో నీటి ఉష్ణోగ్రతను తనిఖీ చేయండి. కొంతమంది తల్లులు స్నానం చేసే నీరు గర్భాశయంలోకి ప్రవేశించి పెరుగుతున్న తమ బిడ్డకు హాని కలిగిస్తుందని ఆందోళన చెందుతారు.కానీ బిడ్డ గర్భాశయం ఉమ్మనీటి సంచిలో సురక్షితంగా ఉంటుంది. గర్భధారణ సమయంలో నొప్పి కండరాలను సడలించడానికి,ఒత్తిడిని తగ్గించడానికి స్నానం ఒక గొప్ప మార్గం.

గమనిక:ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం. 

ఇది కూడా చదవండి:  ఏ వయసువారు ఎక్కువగా సిగరెట్లు తాగుతారు?

ఇది కూడా చదవండి: ఆస్తమా రోగులు ఈ ఆహారాలను అస్సలు ముట్టుకోవద్దు