Asthma: ఆస్తమా రోగులు ఈ ఆహారాలను అస్సలు ముట్టుకోవద్దు

Asthma: ఢిల్లీ, దాని పరిసర ప్రాంతాల్లో విషపూరిత గాలితో ఆస్తమా రోగులు నానా ఇబ్బందులు పడుతున్నారు. ఢిల్లీ-ఎన్‌సీఆర్‌లో ఎయిర్ క్వాలిటీ ఇండెక్స్ 400 మించి ఉంది. దీంతో ఆస్తమా రోగులు దగ్గు, నిద్రలేమి, శ్వాస తీసుకోవడంలో ఇబ్బంది వంటి సమస్యలను ఎదుర్కొంటున్నారు. పేలవమైన గాలి శ్వాసకోశ వ్యాధులకు కూడా కారణమవుతుంది. 

ఆస్తమా రోగులు తీసుకోవాల్సిన జాగ్రత్తలు:

చలికాలంలో రద్దీగా ఉండే, కలుషిత ప్రదేశాలకు వెళ్లవద్దు. ఇంటి నుంచి బయటకు వెళ్లేటప్పుడు మాస్క్ ధరించండి. సమయానికి ఆహారం తీసుకోవాలి. స్మోకింగ్ ఏరియాలో అస్సలు నిలబడకండి. తాజా ఆహారాన్ని తినండి. బయటి ఆహారానికి దూరంగా ఉండాలి. చలికాలంలో బయటకు వెళ్లేటప్పుడు వెచ్చని దుస్తులు ధరించండి. శుభ్రమైన నీరు తాగాలి. పాలకూర, బీట్‌రూట్, పప్పు తినాలని వైద్యులు చెబుతున్నారు.

ఆస్తమా రోగులు ఏం తినాలి?

ఆస్తమా రోగులు రాత్రిపూట పాలు తాగకూడదు. శరీరంలో క్యాల్షియం సరఫరా కావాలంటే పాలు తాగాలనుకుంటే ఆ పాలల్లో ఎండుమిర్చి, పసుపు కలుపుకుని తాగాలి. జాజికాయ కలిపిన పాలు తాగడం కూడా ప్రయోజనకరంగా ఉంటుంది. ఉదయం పూట ఖాళీ కడుపుతో వెల్లుల్లి తినడం వల్ల ఆస్తమా రోగులకు మేలు జరుగుతుంది. అయితే వెల్లుల్లి రెబ్బలను ఒలిచి 30 సెకన్ల పాటు ఎండలో ఉంచాలి, దీంతో వెల్లుల్లి ఆక్సీకరణం చెందుతుంది. ఈ వెల్లుల్లిని 1 టీస్పూన్ తేనెతో కలిపి తినాలి.  ఇలా చేయడం వల్ల మీ ఊపిరితిత్తుల వాయుమార్గాలు క్లియర్ అవుతాయి. మారుతున్న సీజన్లలో జాగ్రత్తగా ఉండాలి. చలి ఎక్కువగా ఉంటే ఇంట్లోనే ఉండటానికి ప్రయత్నించండి. ఇంటి లోపల మాత్రమే వ్యాయామం చేయాలని వైద్యులు అంటున్నారు. ఎప్పుడు బయటకు వెళ్లినా మాస్క్ ధరించండి. ఆరోగ్య నిపుణుల అభిప్రాయం ప్రకారం మందులను క్రమం తప్పకుండా తీసుకోవడంతో పాటు రాత్రిపూట ఆస్తమా అటాక్‌ను తగ్గించడంలో సహాయపడే కొన్ని చర్యలు తీసుకోవచ్చు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం. 

ఇది కూడా చదవండి: మూత్రంలో నురుగు కనిపిస్తే కంగారు పడాలా?