బట్టతల వారికి సైంటిస్టులు అదిరిపోయే శుభవార్త.. ఈ నూనె రాస్తే 20 రోజుల్లోనే హేర్ స్టైల్

బట్టతల, జుట్టు పల్చబడటం వంటి సమస్యలతో బాధపడేవారికి శాస్త్రవేత్తలు గుడ్‌న్యూస్ చెప్పారు. కేవలం 20 రోజుల్లో జుట్టు పెరుగుదలను పునరుద్ధరించగల ఒక అద్భుతమైన సీరంను అభివృద్ధి చేసినట్లు నేషనల్ తైవాన్ యూనివర్సిటీ పరిశోధకులు ప్రకటించారు. పరిశోధనలో భాగంగా, ఎలుకలపై ఈ సీరంను ప్రయోగించారు. ఈ సీరం చర్మం క్రింద ఉండే కొవ్వు కణాలను ఉత్తేజపరిచి, జుట్టు కుదుళ్లను తిరిగి పెరిగేలా చేయడంలో విజయవంతమైంది. ఈ ప్రక్రియ హైపర్ట్రైకోసిస్ అనే విధానంపై ఆధారపడి ఉంది, దీని ప్రకారం చర్మానికి కలిగే చిన్నపాటి చికాకు లేదా గాయం కూడా అధికంగా జుట్టు పెరుగుదలను ప్రేరేపిస్తుంది.

🧴 Baldness — over: scientists have created a serum that restores hair in just 20 days

Researchers in Taiwan tested a new formula on mice — and within three weeks, completely bald animals started growing fur again.

The secret lies in natural fatty acids that stimulate hair… pic.twitter.com/8Jj25wrmQG

— NEXTA (@nexta_tv) October 24, 2025

పరిశోధకుల ప్రకారం, ఈ సీరంలో సహజంగా లభించే ఫ్యాటీ యాసిడ్లు (కొవ్వు ఆమ్లాలు) ఉంటాయి. చర్మంపై దీనిని అప్లై చేసినప్పుడు, కొవ్వు కణాలు ఓలిక్ యాసిడ్, పామిటోలిక్ యాసిడ్ వంటి ఫ్యాటీ యాసిడ్లను విడుదల చేస్తాయి. ఈ ఆమ్లాలు జుట్టు కుదుళ్ల మూల కణాలను ఉత్తేజపరుస్తాయి, తద్వారా కొత్త జుట్టు పెరుగుదల ప్రారంభమవుతుంది. ఈ ఫ్యాటీ యాసిడ్లు చర్మానికి ఎలాంటి చికాకు కలిగించకుండానే ఈ అద్భుతమైన ఫలితాన్ని ఇస్తున్నాయని పరిశోధకులు తెలిపారు. ఈ సీరంను తాము మొదట్లో తమ కాళ్లపై ప్రయోగించుకోగా, మూడు వారాల్లోనే జుట్టు తిరిగి పెరిగినట్లు పరిశోధక బృందంలోని ప్రొఫెసర్ సంగ్-జాన్ లిన్ తెలిపారు. ఈ ఫలితాలు మానవ చర్మానికి కూడా వర్తిస్తాయని ఆశాభావం వ్యక్తం చేస్తున్నారు. ప్రస్తుతం, ఈ సీరంకు పేటెంట్ లభించింది. తదుపరి దశలో, మానవులపై దీని వివిధ మోతాదులను పరీక్షించాలని శాస్త్రవేత్తలు లక్ష్యంగా పెట్టుకున్నారు. త్వరలో ఈ సీరంను మార్కెట్‌లో అందుబాటులోకి తీసుకురావాలని యోచిస్తున్నారు. ఈ ఆవిష్కరణ జుట్టు రాలే సమస్యకు శాశ్వత పరిష్కారాన్ని అందించే దిశగా ఒక కీలక ముందడుగుగా పరిగణించవచ్చు.