Ravi Pradosh Vrat: రేపు రవి ప్రదోష వ్రతం.. ఈ పూజ చేస్తే ఏం జరుగుతుంది? ఎందుకు ఆచరిస్తారు?

Ravi Pradosh Vrat: హిందూ సంప్రదాయంలో రవి ప్రదోష వ్రత దినాన్ని ఎంతో ప్రాముఖ్యమైనదిగా పరిగణిస్తారు. ఈ ప్రత్యేకమైన భక్తి, శ్రద్దలతో శివుడిని పూజించడం ద్వారా ఆనందం, శ్రేయస్సు కలుగుతుందని నమ్ముతారు. పంచాంగం ప్రకారం.. ఆదివారం 09 ఫిబ్రవరి 2025 నాడు రవి ప్రదోషం  వ్రతం జరుపుకుంటారు. ఆదివారం వచ్చే త్రయోదశి తిథి నాడు రవి ప్రదోష ఉపవాసం పాటిస్తారు. మత విశ్వాసాల ప్రకారం, రవి ప్రదోష ఉపవాసం పాటించడం ద్వారా, భక్తుడు ఆరోగ్య సంబంధిత అన్ని సమస్యల నుంచి ఉపశమనం పొందుతారని విశ్వాసం. జీవితంలో ఆనందం , శ్రేయస్సు పొందడానికి  ఈ రోజున శివుడిని ప్రసన్నం చేసుకోవచ్చు.  ప్రదోష ఉపవాసం  సరైన తేదీ, శుభ సమయం,  పూజా విధానాన్ని ఇక్కడ  తెలుసుకుందాం...

శుభ సమయం

పంచాంగం ప్రకారం, మాఘ మాసం శుక్ల పక్ష త్రయోదశి తిథి ఫిబ్రవరి 09న సాయంత్రం 7:25 గంటలకు ప్రారంభమై మరుసటి రోజు..  ఫిబ్రవరి 10న సాయంత్రం 06:57 గంటలకు ముగుస్తుంది. అటువంటి పరిస్థితిలో ఫిబ్రవరి 9న ప్రదోష ఉపవాసం పాటిస్తారు. ప్రతి నెలా వచ్చే ప్రదోష ఉపవాసం నాడు, ప్రదోష కాల సమయం సాయంత్రం శివుడిని పూజించడం ప్రత్యేక ప్రాముఖ్యతను కలిగి ఉంది. లేదంటే  పూజ అసంపూర్ణంగా పరిగణించబడుతుంది. ప్రదోష కాల పూజకు శుభ సమయం ఫిబ్రవరి 9న సాయంత్రం 06:18 నుంచి రాత్రి 08:49 వరకు.

శివుడిని ఎలా పూజించాలి

ప్రదోష ఉపవాసం ఉన్న రోజున తెల్లవారుజామున నిద్రలేచి తలంటూ స్నానం చేసుకోవాలి. ఆ తర్వాత  శివుడిని ధ్యానించి, ప్రదోష ఉపవాసం ప్రతిజ్ఞను తీసుకోవాలి.   శివుపార్వతులకు పండ్లు, పువ్వులు, ధూపం, దీపాలు,  నైవేద్యాలను సమర్పించండి. గంగాజలం, పచ్చి పాలు, పెరుగు, తేనె, ఆక్ పూలు, ధాతుర వంటి వాటితో శివుడికి అభిషేకం చేయండి.