Life Style: రాత్రి ఆలస్యంగా పడుకుంటే శరీరంలో 5 భయంకరమైన మార్పులు! ఊహించలేరు

Life Style: నేటి డిజిటల్ యుగంలో ప్రతి ఒక్కరూ స్క్రీన్స్ ముందే గడిపే సమయం బాగా పెరిగిపోయింది. ఆఫీసుల్లో కంప్యూటర్లు, ఇంటికొస్తే ఫోన్లు ఇలా 24 గంటలు స్క్రీన్ల ముందే గడిపేస్తున్నారు. ముఖ్యంగా రాత్రిళ్ళు చాలా మంది ఫోన్లు చూస్తూ ఆలస్యంగా నిద్రపోవడం సాధారణమైంది. అయితే ఈ అలవాటు వల్ల శరీరంలో తీవ్రమైన మార్పులు వస్తాయని హెచ్చరిస్తున్నారు నిపుణులు. అంతేకాదు ఆరోగ్యంపై చెడు ప్రభావం చూపుతుంది. 

హార్మోన్లు అసమతుల్యత

రాత్రిళ్ళు ఆలస్యంగా నిద్రపోవడం హార్మోన్ల సమతుల్యతకు దారితీస్తుంది.  ముఖ్యంగా మెలటొనిన్ (నిద్ర హార్మోన్), కోర్టిసోల్ (ఒత్తిడి హార్మోన్లు ) అసమతుల్యతకు గురవుతాయి. అలాగే పెరుగుదల,  పునరుత్పత్తిని నియంత్రించే హార్మోన్లు కూడా ప్రభావితమవుతాయి.  ఇది సంతానోత్పత్తి, జీవక్రియ మొదలైన సమస్యలకు దారితీస్తుంది. 

బరువు పెరగడం

రాత్రి ఆలస్యంగా నిద్రపోవడం వల్ల బరువు పెరిగే ప్రమాదం ఉంటుంది. సరైన సమయంలో నిద్రపోకపోవడం శరీరంలో ఆకలి, కడుపు నిండుగా ఉందనే భావనను నియంత్రించే హార్మోన్లకు అంతరాయం కలిగిస్తుంది. ఇది అతిగా తినడం, అనారోగ్యంగా ఆహార ఎంపికలకు దారితీస్తుంది. అలాగే నిద్రలేమి కారణంగా శారీరక శ్రమ చేయాలనే ఆసక్తి తగ్గపోతుంది. దీనివల్ల శరీరంలో కేలరీలు పెరిగిపోయి బరువు పెరగడానికి కారణమవుతుంది. 

రోగనిరోధక శక్తి బలహీనం 

రాత్రిళ్ళు సరైన నిద్రలేకపోవడం శరీరంలో రోగనిరోధక శక్తిని బలహీనపరుస్తుంది. తద్వారా శరీరంలో వైరసులతో పోరాడే సైటోకైన్‌ల ఉత్పత్తి తగ్గిపోతుంది. దీంతో తరచుగా జలుబు, జ్వరాలు, ఇతర ఇన్ఫెక్షన్లతో బాధపడే అవకాశం ఉంటుంది. 

మేధస్సు పనితీరు బలహీనం 

నిద్రలేమి మేధస్సును ప్రభావితం చేస్తుంది.  దీనివల్ల ఆలోచనలను స్పష్టంగా చేయడం, మంచి నిర్ణయాలు తీసుకోవడం కష్టం అవుతుంది. అలాగే పనిపై ఫోకస్ తగ్గిపోతుంది. సరైన నిద్ర ఉన్న మెదడు మరింత ఉత్సాహంతో పనిచేస్తుంది.

శక్తి తగ్గిపోవడం 

ఆలస్యంగా నిద్రపోవడం..  అలసట,  ఒత్తిడిని కలిగిస్తుంది.  రాత్రంతా మేల్కొని ఉండడం శరీరంలోని శక్తిని ఖర్చు చేస్తుంది.  దీనివల్ల రోజువారీ పనులను చేయడం కష్టంగా మారుతుంది. లేటుగా పడుకొని, లేటుగా లేవడం మానసిక, శారీరక ఆరోగ్యం రెండింటికీ మంచిది కాదు. 

గమనిక:ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.