Viral Video : రాష్ట్రపతి భవన్ లోకి చిరుత? మోదీ ప్రమాణ స్వీకారం చేస్తుండగా..

Leopard At Rashtrapati Bhavan : నిన్న ప్రధానిగా మోదీ (PM Modi) తో పాటు మరో 71 మంది మంత్రులుగా ప్రమాణ స్వీకారం (Oath Ceremony) చేసిన విషయం తెలిసిందే. రాష్ట్రపతి భవన్‌లో ఈ వేడుక అత్యంత వైభవంగా సాగింది. అయితే.. ఈ ప్రమాణస్వీకారం సందర్భంగా ఊహించని పరిణామం చోటు చేసుకుంది. కేంద్రమంత్రిగా దుర్గా దాస్‌ (Durga Das) ప్రమాణస్వీకారం చేస్తున్న సమయంలో రాష్ట్రపతి భవన్‌లోకి ఓ అడవి జంతువు ఎంట్రీ ఇచ్చింది. అయితే.. ఆ సమయంలో ఈ విషయాన్ని ఎవరూ గుర్తించలేదు.

తాజాగా ఈ వీడియో ఇప్పుడు సోషల్ మీడియాలో వైరల్ గా మారుతోంది. అయితే.. తొలుత దీన్ని ఫేక్ అని అంతా భావించారు. కానీ నిన్నటి వీడియోను జాగ్రత్తగా పరిశీలిస్తే ఓ జంతువు వెళ్లినట్లు స్పష్టంగా కనిపిస్తోంది. ఈ జంతువును చిరుతపులి (Leopard) అని కొందరు.. అడవి పిల్లి అని మరికొంత మంది కామెంట్స్ చేస్తున్నారు. ఈ ఘటన జరిగిన సమయంలో దాదాపు 8 వేల మంది అతిథులు, విదేశి ప్రతినిధులు ఉన్నారు. అయితే.. ఈ ఘటనపై ఇప్పటివరకూ రాష్ట్రపతి భవన్ వర్గాలు స్పందించలేదు.

Also Read : ప్లీజ్.. మమ్మల్ని క్షమించండి శ్రీధర్ రెడ్డి.. నెల్లూరు మేయర్ స్రవంతి సంచలన వ్యాఖ్యలు.!