Dhanush : ఫేవరెట్ హీరో పవన్ కళ్యాణే.. కానీ ఆ స్టార్ హీరోతో మల్టీస్టారర్ చేయాలనుంది : ధనుష్

Kollywood Star Dhanush About Pawan Kalyan And Junior NTR : కోలీవుడ్ స్టార్ ధనుష్.. టాలీవుడ్ స్టార్ ఎన్టీఆర్ తో కలిసి నటించాలని కోరుకుంటున్నట్లు తెలిపారు. ఇటీవల జరిగిన 'రాయన్' మూవీ ప్రీ-రిలీజ్ ఈవెంట్ లో ధనుష్ ఈ కోరికను వ్యక్తం చేశారు. ధనుష్ ఈ ప్రీ రిలీజ్ ఈవెంట్ లో మాట్లాడుతూ టాలీవుడ్ హీరోల గురించి ఆసక్తికరమైన విషయాలు చెప్పారు. టాలీవుడ్​లో తన ఫేవరెట్ హీరో ప‌వ‌న్ క‌ళ్యాణ్ అని వెల్ల‌డించారు. 'ఐ లవ్ సినిమా, ఐ లవ్ పవన్ కళ్యాణ్ సర్' అంటూ చెప్పుకొచ్చారు. ఆ తర్వాత యాంక‌ర్ ‘ఒకవేళ మల్టీ స్టారర్ చేయాలంటే ఎవరితో చేస్తారు?

సూపర్ స్టార్ మహేశ్​ బాబు, జూనియర్ ఎన్టీఆర్, రామ్ చరణ్, అల్లు అర్జున్. వీరిలో ఎవరితో చేస్తారు? అని అడుగుతుంది. దీనికి ధనుష్ బదులిస్తూ.." నేను టాలీవుడ్ లో చాలా మంది హీరోలను ఇష్టపడతాను. కానీ నాకు ఎంతో ఇష్టమైన హీరోల్లో ఒకరు జూనియర్ ఎన్టీఆర్. ఆయన నటన అద్భుతం. స్క్రీన్ పై ఎంతో ఎనర్జీ చూపిస్తారు. తారక్ తో కలిసి ఒక మల్టీస్టారర్ సినిమా చేయాలని నాకు ఎప్పటి నుంచో ఆసక్తి ఉంది" అని ధనుష్ తెలిపారు. ధనుష్ కామెంట్లకు జూనియర్ ఎన్టీఆర్ అభిమానులు సోషల్ మీడియాలో విస్తృతంగా స్పందిస్తున్నారు.

Also Read : బిగ్ బాస్ హౌస్‌లో లైవ్‌లో శృంగార వీడియో.. చిఛీ.. ఏందీ రోత..?

ధనుష్ - తారక్ కాంబినేషన్ లో సినిమా వస్తే ఎలా ఉంటుందో అని ఊహించుకుంటూ కామెంట్లు పెడుతున్నారు. ధనుష్, ఎన్టీఆర్ ఇద్దరూ ప్రస్తుతం బిజీగా ఉన్నప్పటికీ, భవిష్యత్తులో వారిద్దరికీ కలిసి నటించే అవకాశం ఉందని అభిమానులు ఆశిస్తున్నారు. ధనుష్ కోరిక నెరవేరితే, ఖచ్చితంగా ఇది ఒక పాన్ ఇండియా బ్లాక్ బస్టర్ అవుతుందని ఇరువురి ఫ్యాన్స్ అభిప్రాయపడుతున్నారు.

ఇక ఇటీవల ధనుష్ తెలుగులో 'సార్' సినిమాలో నటించిన సంగతి తెలిసిందే. వెంకీ అట్లూరి దర్శకత్వం వహించిన ఈ సినిమా బాక్సాఫీస్ వద్ద మంచి విజయాన్ని సాధించింది. ప్రస్తుతం ధనుష్ 'రాయన్' అనే తమిళ సినిమాలో నటించారు. ఈ సినిమా తెలుగులో కూడా డబ్ అవుతుంది. జులై 26 న ఈ మూవీ ప్రేక్షకుల ముందుకు రానుంది.