Constable Jobs: నిరుద్యోగులకు దసరా కానుక.. 7,565 కానిస్టేబుల్ ఉద్యోగాలకు నోటిఫికేషన్.. వివరాలివే!

దసరా(Dasara 2025) పండగ వేళ కేంద్ర ప్రభుత్వం నిరుద్యోగులకు అదిరిపోయే శుభవార్త చెప్పింది. SSC (స్టాఫ్ సెలక్షన్ కమిషన్)..  ఢిల్లీ పోలీస్ కానిస్టేబుల్ (ఎగ్జిక్యూటివ్) పోస్టు(Constable Jobs 2025) ల భర్తీ కోసం భారీ నోటిఫికేషన్ విడుదల చేసింది. ఏకంగా  7,565 పోస్టులతో నోటిఫికేషన్(ssc police recruitment 2025) జారీ చేసింది. పురుషులు, మహిళా అభ్యర్థులు కలిపి మొత్తం 7, 565 ఖాళీలను ఈ నోటిఫికేషన్ ద్వారా భర్తీ చేయనున్నారు. ఈ రిక్రూట్మెంట్ లో మాజీ సైనికులకు కూడా అవకాశం కల్పించారు. ప్రత్యేకంగా వారి కోసం కొన్ని రిజర్వ్‌డ్ పోస్టులను కేటాయించారు. సెప్టెంబర్ 22 నుంచి దీనికి సంబంధించిన అప్లికేషన్ ప్రాసెస్ మొదలైంది. అర్హత కలిగిన అభ్యర్థులు వెంటనే ఈ సదవకాశాన్ని ఉపయోగించుకోండి. నోటిఫికేషన్ కి సంబంధించిన పురః వివరాలు ఇక్కడ తెలుసుకోండి.. 

Delhi Police Constable Recruitment Notification Out.
Total VACANCIES :- 7565. pic.twitter.com/fTeIAzQBxb

— Dr Gaurav Garg (@DrGauravGarg4) September 22, 2025

Also Read :  Microsoft: ఉద్యోగులకు Microsoft బిగ్ షాక్.. అలా చేస్తే మీ ఉద్యోగం ఔట్!

నోటిఫికేషన్ తేదీలు 

• అప్లికేషన్ ప్రారంభ తేదీ:  సెప్టెంబర్ 22, 2025
• ఆన్లైన్ దరఖాస్తు గడువు: సెప్టెంబర్ 22 నుంచి  2025 అక్టోబర్ 21 వరకు 
• ఆన్‌లైన్ ఫీజు చెల్లింపు చివరి తేదీ:  2025  అక్టోబర్ 22 (రాత్రి 11 గంటల వరకు)
• దరఖాస్తు సవరణకు గడువు: అక్టోబర్ 29 నుంచి అక్టోబర్ 31, 2025 వరకు
• కంప్యూటర్ ఆధారిత పరీక్ష: డిసెంబర్ 2025  లేదా  జనవరి 2026

అర్హత 

• 18 నుంచి 25 సంవత్సరాల మధ్య వయస్సు గల అభ్యర్థులు ఈ నోటిఫికేషన్ కి అర్హులు. అలాగే  ప్రభుత్వ నిబంధనల ప్రకారం రిజర్వ్‌డ్ కేటగిరీల వారికి వయోపరిమితిలో సడలింపు ఉంటుంది.

ఎంపిక ప్రక్రియ

• కంప్యూటర్ ఆధారిత పరీక్ష  (CBE) ద్వారా  అభ్యర్థుల ఎంపిక ప్రక్రియ ఉంటుంది.  ఆ తర్వాత శారీరక సామర్థ్యం,  కొలత పరీక్ష  (PE & MT) కూడా నిర్వహిస్తారు. 

పోస్టులు 

• కానిస్టేబుల్ (ఎగ్జిక్యూటివ్) పురుషులు: 4,408
• కానిస్టేబుల్ (ఎగ్జిక్యూటివ్) మహిళలు: 2,496
• కానిస్టేబుల్ (ఎగ్జిక్యూటివ్) పురుషులు [మాజీ సైనికులు (కమాండో)]: 376
• కానిస్టేబుల్ (ఎగ్జిక్యూటివ్) పురుషులు [మాజీసైనికులు (ఇతరులు)]: 285
• మొత్తం పోస్టులు : 7,565

దరఖాస్తు విధానం

• ముందుగా అధికారిక వెబ్‌సైట్ ssc.gov.in ని సందర్శించండి.
• ఆ తర్వాత  ఢిల్లీ పోలీస్ కానిస్టేబుల్ రిక్రూట్‌మెంట్ 2025 నోటిఫికేషన్ లింక్‌పై క్లిక్ చేయండి.
• లింక్ ఓపెన్ చేసిన తర్వాత  సరైన ఇమెయిల్ ఐడి,  మొబైల్ నంబర్‌తో నమోదు చేసుకోవాలి.
• అప్లికేషన్ ఫిల్ చేసిన తర్వాత అవసరమైన డాక్యుమెంట్స్ అప్లోడ్ చేయండి. 
• చివరిగా దరఖాస్తు ఫీజును ఆన్‌లైన్‌లో చెల్లించి, మీ అప్లికేషన్  ఫార్మ్ ను సబ్మిట్ చేయండి.

దరఖాస్తు ఫీజు వివరాలు

• జనరల్ కేటగిరీ అభ్యర్థులకు: రూ. 100
• మహిళా అభ్యర్థులు, SC, ST, మాజీ సైనికులకు ఫీజు లేదు.
• ఫీజును UPI, నెట్ బ్యాంకింగ్ లేదా డెబిట్/క్రెడిట్ కార్డుల ద్వారా చెల్లించవచ్చు.