Jaundice: కామెర్లు కూడా క్యాన్సర్ లక్షణమేనా?..వైద్యులు ఏమంటున్నారు?

Jaundice: కామెర్లు ఒక సాధారణ వ్యాధి. దీని ప్రధాన లక్షణాలు కళ్ళు పసుపు రంగులోకి మారడం, చాలా ముదురు రంగులో మూత్రం. ఇది సాధారణంగా హెపటైటిస్ A లేదా ఇతర వ్యాధుల వల్ల కామెర్లు వస్తాయి. కామెర్లు ప్రాణాపాయం కాదు. కానీ కొన్నిసార్లు కామెర్లు కూడా క్యాన్సర్ లక్షణం కావచ్చని వైద్యులు అంటున్నారు.

క్యాన్సర్ వచ్చే అవకాశం:

• పిత్తాశయ రాళ్లు కూడా పసుపునకు కారణమవుతాయి. కానీ కొన్నిసార్లు ఈ కామెర్లు క్యాన్సర్ వంటి మరింత ప్రమాదకరమైన వ్యాధికి సూచిక కావచ్చని అంటున్నారు. ప్యాంక్రియాస్, పిత్తాశయం, కాలేయం, పిత్త వాహిక, ఇతర అవయవాల క్యాన్సర్‌కు కామెర్లు కారణం అవుతాయి. కామెర్లు ఉన్న కొంతమంది రోగులకు మాత్రమే క్యాన్సర్ వచ్చే అవకాశం ఉంది. బరువు తగ్గడం, ఆకలి లేకపోవడం, కడుపు నొప్పి వంటి లక్షణాలు కూడా ఉంటాయని వైద్యులు చెబుతున్నారు.

 ముందుగానే గుర్తించడం ముఖ్యం:

• కొన్ని క్యాన్సర్లు కాలేయం, ప్యాంక్రియాస్ లేదా పిత్తాశయంతో సహా ఇతర అవయవాలను ప్రభావితం చేస్తాయని అంటున్నారు. ఎవరికైనా కామెర్లు వస్తే వెంటనే ఆలస్యం చేయకుండా వైద్యులను సంప్రదించడం మంచిది. కొన్ని క్యాన్సర్‌లతో సహా అనేక ఆరోగ్య సమస్యలను ముందుగానే గుర్తించడం చాలా ముఖ్యం. అలాగని కామెర్లు కనిపిస్తే భయపడాల్సిన అవసరం లేదు, ఇది సాధారణంగా చిన్న సమస్య. అయితే వారంలోపు కామెర్లు తగ్గకపోయినా, లక్షణాలు ఎక్కువ అయినా వైద్యుడిని సంప్రదించడం మంచిది.

కామెర్ల వ్యాధి లక్షణాలు ఇవే:

• చర్మంలో బైల్‌ సాల్ట్‌ ఎక్కువగా చేరడం వల్ల శరీరమంతటా దురదలు వస్తాయి.
• ఏ కారణం లేకుండానే విపరీతమైన అలసట కనిపిస్తుంది. బరువు కూడా తగ్గిపోతుంది.
• హఠాత్తుగా జ్వరం, వాంతులవుతాయి. పొట్టలో తీవ్రమైన నొప్పి వస్తుంది.
• మలం పసుపు, ఆకుపచ్చ రంగులో ఉంటే కామెర్ల వ్యాధి లక్షణాలలోముఖ్యమైనదని వైద్యులు చెబుతున్నారు.

కామెర్ల వ్యాధికి కారణాలు:

• రెండు కారణాలతో ఈ వ్యాధి వస్తుంది. శరీరంలోని బైలిరుబిన్‌ అత్యధికంగా ఉత్పత్తి అవటం, సహజంగా ఉత్పత్తి అవుతున్న బైలురుబిన్‌ను కాలేయం తొలగించలేకపోవడంతో ప్రధానంగా వస్తుంది. . ఈ రెండు సందర్భాల్లోనూ కామెర్లవ్యాధి సోకిన వారిలో శరీర అంతర్భాగంలో కొన్ని మార్పులు వస్తాయని చెబుతున్నారు.

ఇది కూడా చదవండి: చక్కటి చర్మం కోసం మీ వంట గదిలోనే బోలెడు చిట్కాలు

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.