Ramoji Rao Death: రామోజీరావు పార్థివదేహానికి నివాళులర్పించిన జనసేనాని

ఈనాడు గ్రూప్ సంస్థల అధినేత రామోజీరావు పార్థివదేహానికి జనసేన అధినేత పవన్‌ కల్యాణ్‌ నివాళులర్పించారు. సినీ దర్శకుడు త్రివిక్రమ్ శ్రీనివాస్, నిర్మాత రాధాకృష్ణ(చినబాబు) కూడా నివాళులర్పించారు. రామోజీ భౌతికకాయం వద్ద పుష్పగుచ్ఛం ఉంచి అంజలి ఘటించారు. అనంతరం ఆయన కుటుంబ సభ్యులను పరామర్శించి సానుభూతి తెలిపారు.

Also Read: రామోజీ రావు మరణం తెలుగు రాష్ట్రాలకు తీరని లోటు: చిరంజీవి

శుక్రవారం రాత్రి రామోజీరావు అస్వస్థకు గురవ్వడంతో.. కుటంబ సభ్యులు ఆయన్ని నానక్‌రామ్‌గూడలోని స్టార్ హాస్పిటల్‌కు తరలించారు. అక్కడ చికిత్స పొందుతూ శనివారం తెల్లవారుజామున 4.50 AM గంటలకు ఆయన తుదిశ్వాస విడిచారు. ఫిల్మ్‌సిటీలోని నివాసానికి ఆయన పార్థివదేహాన్ని తరలించారు. రేపు ప్రభుత్వ లాంఛనాలతో రామోజీ రావు అంత్యక్రియలు నిర్వహించనున్నారు.

Also Read: రెండు స్థానాల్లో గెలిచిన రాహుల్‌.. వదులుకోబోయే సీటు ఇదే