Protests in London: ఈ అనుమానంతోనే లండన్‌లో నిరసనలు.. బ్రిటన్‌ని కదిలించిన ముగ్గురు పిల్లల చావు

బ్రిటన్‌లో 'యునైట్‌ ది కింగ్‌డమ్‌' పేరిట గతకొన్ని రోజులుగా జరిగుతున్న నిరసనలకు ప్రధాన కారణం తీవ్రవాద, ఇమ్మిగ్రేషన్ వ్యతిరేక భావజాలమే. బ్రిటిష్ నేషనల్ పార్టీ మాజీ కార్యకర్త, ఇమ్మిగ్రేషన్ వ్యతిరేక నాయకుడు టామీ రాబిన్సన్ ఈ నిరసనలకు నాయకత్వం వహించారు. ఈ నిరసనలు ఇమ్మిగ్రేషన్‌కు వ్యతిరేకంగా జరుగుతున్నాయి. ముఖ్యంగా గ్రేట్ బ్రిటన్‌ను ముస్లిం సంస్కృతికి చెందిన ప్రజలు భర్తీ చేస్తున్నారని చెప్పే 'గ్రేట్ రీప్లేస్‌మెంట్' సిద్ధాంతంపై ఈ నిరసనలు ఆధారపడి ఉన్నాయి.

🚨🇬🇧 MARCHING NOW: “UNITE THE KINGDOM” HITS THE STREETS OF LONDON

The Unite the Kingdom march has begun.

Union flags are everywhere. Drums pounding. Chants echoing off the buildings of Whitehall.

This is a statement: Free speech is under siege, and the crowd knows it.

This… https://t.co/1IYuFMlycQpic.twitter.com/MjZ6Czr0bL

— Mario Nawfal (@MarioNawfal) September 13, 2025

నిరసనలకు ప్రధాన అంశాలు

ఇమ్మిగ్రేషన్ వ్యతిరేకత: 
అక్రమ వలసలు బ్రిటన్ దేశ భవిష్యత్తుకు ముప్పుగా మారాయని, అవి దేశ ఆర్థిక, సామాజిక వ్యవస్థను నాశనం చేస్తున్నాయని నిరసనకారులు వాదించారు. ముఖ్యంగా ఇంగ్లీష్ ఛానల్ గుండా చిన్న పడవల్లో బ్రిటన్‌లోకి ప్రవేశించే అక్రమ వలసదారుల సంఖ్య పెరగడంపై తీవ్ర ఆందోళన వ్యక్తం చేశారు.

Over a million people took to the streets in London yesterday, and just twenty five were arrested.

In comparison, over 2,000 were arrested at Pro Palestine protests with far less in attendance.

Why is the media calling us the bad guys? pic.twitter.com/pvWYCWiX8F

— Alex Barnicoat (@AlexBarnicoat_) September 15, 2025

జాతీయ గుర్తింపు, సంస్కృతిపై ఆందోళన: 
నిరసనకారులు బ్రిటన్ సాంస్కృతిక, జాతీయ గుర్తింపును కాపాడాలని పిలుపునిచ్చారు. బ్రిటన్ సంస్కృతి, సంప్రదాయాలు, విలువలు అక్రమ వలసదారుల వల్ల దెబ్బతింటున్నాయని వారు వాదించారు. నిరసనల్లో పాల్గొన్నవారు యూనియన్ జాక్, సెయింట్ జార్జ్ జెండాలను పట్టుకుని 'మా దేశాన్ని మాకు తిరిగి ఇవ్వండి' అని నినాదాలు చేశారు.

హింసాత్మక ఘటనలు: 
కొన్ని ప్రాంతాలలో జరిగిన హింసాత్మక ఘటనలు నిరసనలకు దారి తీశాయి. ఉదాహరణకు, గతంలో ఓ ఇథియోపియన్ వ్యక్తి లండన్ బాలికపై లైంగిక దాడి చేశాడని అతనికి శిక్ష పడిన తర్వాత వలస వ్యతిరేక నిరసనలు తీవ్రమయ్యాయి.

అంతర్జాతీయ మద్దతు: 
ఈ నిరసనలకు వివిధ దేశాల నుంచి మద్దతు లభించింది. టెస్లా వ్యవస్థాపకుడు ఎలాన్ మస్క్, ఫ్రెంచ్ తీవ్రవాద రాజకీయ నాయకుడు ఎరిక్ జెమ్మౌర్ వంటి వారు నిరసనకారులకు మద్దతుగా ప్రసంగించారు. ఈ నిరసనల్లో కొన్ని చోట్ల హింస కూడా చోటు చేసుకుంది. నిరసనకారులకు, పోలీసులకు మధ్య జరిగిన ఘర్షణల్లో అనేకమంది పోలీసులకు గాయాలయ్యాయి.

ముగ్గురు పిల్లల హత్య

నిరసనలకు కొన్ని వారాల క్రితం, వాయువ్య ఇంగ్లాండ్‌లోని సౌత్‌పోర్ట్‌లోని ఓ డ్యాన్స్ స్కూల్లో దుండగులు కత్తులతో దాడి చేయడంతో ముగ్గురు పిల్లలు మరణించిన ఘటనతో బ్రిటన్ ఒక్కసారిగా ఉలిక్కిపడింది. ఈ ఘటనకు కారకులు వలసదారులేనని అనుమానిస్తూ, వలస వ్యతిరేక వర్గాలు భారీ ఎత్తున నిరసనలు, ఆందోళనలు చేపట్టాయి. ఈ నిరసనలు కొన్ని చోట్ల హింసాత్మకంగా మారి, దోపిడీలు, విధ్వంసానికి దారితీశాయి. లివర్‌పూల్, బ్రిస్టల్, బ్లాక్‌పూల్, హల్, మాంచెస్టర్ వంటి అనేక నగరాల్లో ఆందోళనలు, హింస చెలరేగడంతో వందలాది మందిని పోలీసులు అరెస్టు చేశారు. పలు చోట్ల దుకాణాలు, షాపింగ్ మాల్స్‌ను లూటీ చేసి, ప్రభుత్వ భవనాలకు నిప్పంటించారు. ఈ పరిస్థితులపై ప్రధాని కీర్ స్టార్మర్ మాట్లాడుతూ, ఈ చర్యలు నిరసనలు కావని, వ్యవస్థీకృత నేరాలని అభివర్ణించారు. శాంతిభద్రతలను కాపాడేందుకు ప్రభుత్వం అన్ని చర్యలు తీసుకుంటుందని, ఈ హింసాత్మక చర్యలకు పాల్పడిన వారిని చట్టం ముందు నిలబెడతామని స్పష్టం చేశారు.