Russia cancer vaccine: గుడ్‌న్యూస్ చెప్పిన రష్యా.. క్యాన్సర్ వ్యాక్సిన్ రెడీ

వైద్యరంగంలో రష్యా చారిత్ర సృష్టించింది. రష్యా తన క్యాన్సర్ వ్యాక్సిన్‌ను ప్రజలకు అందుబాటులోకి తీసుకొస్తున్నట్లు ప్రకటించింది. ఈ వ్యాక్సిన్‌ క్లినికల్ ట్రయల్స్‌కు సిద్ధంగా ఉందని, అది విజయవంతం అయిన తర్వాత రష్యాలోని పౌరులందరికీ ఉచితంగా పంపిణీ చేయబడుతుందని రష్యా అధికారులు తెలిపారు.

🚨⚡️ JUST IN:

Russia unveils a REVOLUTIONARY cancer vaccine now ready for clinical use — FREE for patients.

FMBA chief Skvortsova: "3 years of trials PROVED safety & high efficacy." pic.twitter.com/jQkO8dcMNi

— RussiaNews 🇷🇺 (@mog_russEN) September 7, 2025

రష్యా ఆరోగ్య మంత్రిత్వ శాఖ ఆధ్వర్యంలోని రేడియాలజీ మెడికల్ రీసెర్చ్ సెంటర్ డైరెక్టర్ ఆండ్రీ కప్రిన్ ఈ వ్యాక్సిన్ అభివృద్ధి గురించి కీలక సమాచారాన్ని వెల్లడించారు. ఈ వ్యాక్సిన్ అన్ని ప్రీ-క్లినికల్ పరీక్షల్లో విజయం సాధించిందని, ఇది క్యాన్సర్ కణాల పెరుగుదలను నిరోధించడంలో, వాటి వ్యాప్తిని అరికట్టడంలో చాలా సమర్థవంతంగా పని చేసిందని ఆయన పేర్కొన్నారు.

ఈ వ్యాక్సిన్ ఒక mRNA ఆధారిత సాంకేతికతతో రూపొందించబడింది. దీని ప్రత్యేకత ఏమిటంటే, ఈ వ్యాక్సిన్ ప్రతి రోగికి వారి కణితి కణాల జన్యువుల ఆధారంగా ప్రత్యేకంగా తయారు చేయబడుతుంది. తద్వారా ఇది నేరుగా క్యాన్సర్ కణాలను మాత్రమే లక్ష్యంగా చేసుకుని దాడి చేస్తుంది. ఇది క్యాన్సర్ చికిత్సలో ఒక విప్లవాత్మకమైన మార్పు అని నిపుణులు భావిస్తున్నారు.

#BREAKING : Russia Unveils “Revolutionary” Cancer Vaccine, Declares It Ready for Use

Russia’s Federal Medical-Biological Agency (FMBA) has announced that its new cancer vaccine is ready for clinical use.

FMBA chief Veronika Skvortsova said trials over the past three years have… pic.twitter.com/isw74LDfGp

— upuknews (@upuknews1) September 7, 2025

ప్రస్తుతం ఈ వ్యాక్సిన్‌ 'ఎంటెరోమిక్స్' పేరుతో క్లినికల్ ట్రయల్స్ దశలోకి ప్రవేశించింది. ఈ ట్రయల్స్ విజయవంతమైతే, ఇది ప్రపంచవ్యాప్తంగా ఉన్న లక్షలాది క్యాన్సర్ రోగులకు ఒక కొత్త ఆశను కల్పిస్తుంది. రష్యా ప్రభుత్వం ఈ వ్యాక్సిన్‌ను తమ పౌరులకు ఉచితంగా అందించాలని నిర్ణయించింది.

గతంలో 'స్పుత్నిక్-వి' కోవిడ్ వ్యాక్సిన్‌తో ప్రపంచ దృష్టిని ఆకర్షించిన మాస్కోలోని ప్రముఖ గామాలెయా సెంటరే ఈ 'ఎంటెరోమిక్స్' వ్యాక్సిన్‌ను కూడా అభివృద్ధి చేసింది. ఈ వ్యాక్సిన్ అందుబాటులోకి వస్తే, క్యాన్సర్‌కు పూర్తిగా నయం చేయగలిగే అవకాశం లేదా కనీసం దానిని ఒక దీర్ఘకాలిక వ్యాధిగా మార్చగల అవకాశం ఉందని వైద్య నిపుణులు విశ్వాసం వ్యక్తం చేస్తున్నారు. ఇతర దేశాలు కూడా ఇలాంటి ప్రాజెక్టులపై పనిచేస్తున్నప్పటికీ, రష్యా ఈ పోటీలో ముందుంది. ఈ వ్యాక్సిన్ క్లినికల్ ట్రయల్స్ ముగిసిన తర్వాత అంతర్జాతీయ మార్కెట్‌లోకి వస్తుందని అంచనా వేస్తున్నారు.