Musk: కొత్త సంవత్సర వేళ..పేరు మార్చుకున్న మస్క్‌..ఎంత వింతగా ఉందో చూడండి!

Elon Musk: ట్విట్టర్‌ ను కొనుగోలు చేసిన దగ్గర నుంచి స్పేస్‌ ఎక్స్‌ అధినేత ఎలాన్‌ మస్క్‌ వార్తల్లో కనపడుతూనో..వినపడుతూనో ఉంటున్నారు.ఎక్స్‌ కొనుగోలు చేసిన తరువాత అందులో కఠిన నిబంధనలకు ఆజ్యం పోశారు. దీంతో ఒక్కసారిగా వార్తల్లో హాట్‌ టాపిక్‌ అయ్యారు.తాజాగా  ఎక్స్‌లో ఓ ఆసక్తికర పోస్ట్ చేసి యూజర్స్‌ను ఆకర్షించారు. మస్క్ తన కొత్త పేరును ప్రకటించారు. కెకియస్ మాక్సిమస్ తన కొత్త పేరంటూ పెట్టి  అందరినీ షాక్‌ కి గురి చేశారు. 

Also Read: TG News: రాష్ట్రంలో మరో 200 కొత్త గ్రామ పంచాయతీలు.. ఎన్నికలకు ముందే!?

 అంతేకాదు మస్క్ తన ప్రొఫైల్ పిక్‌ను కూడా మార్చుకున్నారు. ఇప్పుడు ఆయన డీపీగా పెపె ది ఫ్రాగ్ మీమ్ ఊహాత్మక వెర్షన్‌ను పెట్టుకున్నారు. ఈ ఫొటోలో పెపె ఒక యోధుడి వేషంలో కనిపిస్తుండగా.. కవచం ధరించి, వీడియో గేమ్ కోసం జాయ్ స్టిక్ పట్టుకున్నట్లు ఉంది.

This will be priceless 🤣🤣 https://t.co/YoX4JEDu5l

— Kekius Maximus (@elonmusk) December 31, 2024

Also Read: YEAR ENDER 2024: దుమ్ములేపిన భారత ఆటగాళ్లు.. ఈ ఏడాది టాప్ 5 క్రీడా విజయాలివే!

ఇంతకీ ఈ పేరుకి అర్థం ఏంటంటే!

కెకియస్ మాక్సిమస్ అనే పేరు ఇటీవలి కాలంలో క్రిప్టోకరెన్సీ రంగంలో బాగా వృద్దిలోకి వచ్చింది. కొత్తగా ప్రాచుర్యం పొందిన మీమ్ కాయిన్, కెకియస్ నుంచి ఈ  పేరు పుట్టుకొచ్చింది. గత కొద్ది రోజులుగా దీనికి సంబంధించిన కార్యకలాపాలు పెరిగి ఇన్వెస్టర్లను బాగా ఆకర్షిస్తోంది. ఈ ప్రత్యేకమైన పాత్ర ప్రఖ్యాత చిత్రంగా పేరొందిన వీరోచిత వ్యక్తి మాక్సిమస్‌తో ఐకానిక్ పెపె ది ఫ్రాగ్ మీమ్‌ను మిళితం చేస్తుంది. 

Also Read: రన్‌ వే పై విమానం ఉండగానే..మరో విమానం టేకాఫ్‌..తృటిలో తప్పిన పెద్ద ప్రమాదం!

అయితే మస్క్ తన పేరును ఎందుకు మార్చుకున్నాడనే విషయం మాత్రం ప్రకటించలేదు. కానీ ఎక్స్‌లో మస్క్ పేరు మార్చుకోవడం కూడా క్రిప్టో మార్కెట్‌లో అతని పాత్రకు సూచనగా తలపిస్తోంది.

Also Read: Year Ender 2024: కలిసి రాని కాలం.. ఫాంహౌస్ లో KCR, జైలుకు కవిత, కాంగ్రెస్లోకి ఎమ్మెల్యేలు!

పేరు మార్పునకు కారణం ఇదేనా

అమెరికా అధ్యక్షుడు జో బైడెన్ క్రిప్టోపై ఆంక్షలు విధించడం, క్రిప్టోను బ్యాన్ చేయడం వంటి అంశాల నేపథ్యంలో ఎలాన్ మస్క్ క్రిప్టో కరెన్సీకి చాలా కాలం పాటు దూరంగా ఉన్నారు. ఇటీవల జరిగిన ఎన్నికల్లో ట్రంప్ గెలవడం.. క్రిప్టోలో తన హవాను చూపేందుకు మస్క్ తన పేరును మార్చుకున్నారని పలువురు అనుకుంటున్నారు. ఈ విషయంపై మరిన్ని పూర్తి వివరాలు తెలియాల్సి ఉంది.

కెకియస్ హవా

టెక్ మొగల్ ఎలోన్ మస్క్ తన ఎక్స్ అకౌంట్‌లో ఈ పేరును ప్రకటించిన తర్వాత.. డిసెంబర్ 27 నాటికి కేకియస్‌ దాదాపు 0.005667 డాల‌ర్ల‌ వద్ద అమ్ముడవుతుండ‌గా.. 24 గంటల్లోనే ఏకంగా 497.56 శాతం పెరుగుదలను న‌మోదు చేసింది. క్రిప్టో కరెన్సీలో ఎలాన్ మస్క్‌ను హర్షద్ మెహతాలా పేర్కొంటుంటారు చాలామంది. గతంలోనూ ఆయన డోజ్ కాయిన్ విలువను కూడా ఒక్కసారిగా పెంచేశారు. దాన్ని ఒక గొప్ప కాయిన్‌గా మార్చగా.. ఇప్పుడు కెకియస్ కాయిన్‌ను మార్చేయాలని అనుకుంటున్నారు. అందులో భాగంగానే ఆ కాయిన్ కేవలం 24 గంటల్లో తన ఆల్ టైం గరిష్టాన్ని అందుకుంది. దీంతో దీని ధర మరింతగా పెరిగే అవకాశాలు కనపడుతున్నాయి. ప్రస్తుతం ఆ కాయిన్ విలువ 810% పెరగడం గమనార్హం.

ఎలాన్‌ మస్క్‌ రికార్డ్

ఎలాన్‌ మస్క్‌ ఇటీవలే ఓ అరుదైన రికార్డు సృష్టించారు. ఆయ‌న‌ వ్యక్తిగత సంపద ఏకంగా 400 బిలియన్‌ డాలర్ల మార్కును దాటింది. ఇప్పటిదాకా ఈ మైలురాయిని ఎవరూ అధిగమించలేదు. దీంతో ఈ రికార్డును సొంతం చేసుకున్న తొలి వ్యక్తిగా మస్క్‌ వార్తల్లో నిలిచారు. బ్లూంబర్గ్‌ బిలియనీర్స్‌ ఇండెక్స్‌ తాజా వివరాల ప్రకారం మస్క్‌ సంపద విలువ 447 బిలియన్‌ డాలర్లగా ఉంది.