Dubai Jamal : భార్య బికినీ కోరిక.. రూ.418 కోట్లకు ఐలాండ్ కొనేసిన భర్త!

Dubai: భార్య కోరిక నెరవేర్చడంకోసం ఓ వ్యక్తి ప్రపంచం ఆశ్చర్యపోయే నిర్ణయం తీసుకున్నాడు. నగలు, బంగ్లాలు, భోజనాలు, డబ్బులు, కార్లు కాకుండా ఓ వింత కోరిక కోరిన భార్యకోసం ఏకంగా రూ. 418 కోట్లు ఖర్చు చేశాడు. ఈ మేరకు తన భార్య అందాన్ని ఎవరూ చూడకుండా ఉండేందుకు ఏకంగా ఒక ద్వీపాన్నే కొనేశాడు. ప్రస్తుతం ఈ వార్త వరల్డ్ వైడ్ హాట్ టాపిక్ గా మారగా వివరాలు ఇలా ఉన్నాయి. 

ఈ మేరకు దుబాయ్‌ కి చెందిన బిజినెస్ మెన్, మిలియనీర్ 'జమాల్ అల్‌ నదాక్‌' తన భార్య 'సౌదీ అల్ నదాక్‌' కోసం హిందూ మహాసముద్రంలో ఓ ఐలాండ్‌ను కొనేశాడు. తనకు బికినీ వేసుకుని, సముద్ర అలల్లో స్విమ్మింగ్ చేయాలని ఉందని అల్ నదాక్ చెప్పడంతో ఏకంగా రూ.418 కోట్లు పెట్టి ఐలాండ్ కొనేసినట్లు తెలిపారు. అయితే ఈ విషయాన్ని సోషల్ మీడియా వేదికగా షేర్ చేసిన నదాక్.. ‘నేను బికినీ ధరించేందుకు.. నా భర్త ఓ ద్వీపాన్ని కొనేశాడు' అంటూ ఐలాండ్ వీడియోను షేర్ చేసింది. 'నేను బీచ్‌లో సేదతీరాలనేది మా ఇద్దరి కోరిక. ఇందులో భాగంగానే ఐలాండ్‌ను సొంతం చేసుకోవాలని ఆయన నిర్ణయం తీసుకున్నాడు' అంటూ నదాక్ చెప్పుకొచ్చింది. ప్రస్తుతం నదాక్ వీడియో వైరల్ అవుతోంది. 

Also Read :  వాతావరణ పరిస్థితులను పక్కాగా అంచనా వేసే సూపర్‌ కంప్యూటర్లు..