TS Inter Admissions 2024-25: తెలంగాణలో 2024-25 విద్యాసంవత్సరానికి ఇంటర్మీడియట్ ప్రవేశాల ప్రక్రియను మే 9 నుంచి ప్రారంభిస్తున్నామని ఇంటర్ విద్యామండలి కార్యదర్శి శ్రుతి ఓజా తెలిపారు. జూన్ 1 నుంచి తరగతులు నిర్వహించనున్నట్లు తెలిపారు. ప్రభుత్వ, ప్రైవేటు, ఎయిడెడ్, మైనారిటీ, సహాకార, గురుకుల, కేజీబీవీ, ఆర్‌జేసీ, ఒకేషనల్, మోడల్, కాంపోజిట్ తదితర జూనియర్ కళాశాలల్లో ఈ షెడ్యూల్ పాటించాలని స్పష్టం చేశారు. అయితే ప్రైవేటు కళాశాలల్లో ప్రవేశాల కోసం ఎటువంటి పరీక్షలు నిర్వహించరాదని.. అలా చేస్తే కళాశాల యాజమాన్యంపై కఠినంగా చర్యలు తీసుకుంటామని హెచ్చరించారు.