America : అమెరికాలో మరో భారత విద్యార్థి మృతి... ఇది పదకొండవది!

Indian Student Dead : అమెరికా(America) లో మరో భారత విద్యార్థి(Indian Student) మరొకరు మృత్యువాత పడ్డాడు. హైదరాబాద్‌(Hyderabad) కు చెందిన అర్పాత్‌(Arpath) అనే యువకుడు మృతి చెందినట్లు క్లీవ్‌ లాండ్‌ పోలీసులు తెలిపారు. విద్యార్థి మరణించిన విషయాన్ని హైదరాబాద్‌ లోని తల్లిదండ్రులకు న్యూయార్క్‌ లోని ఇండియన్‌ ఎంబసీ సమాచారం అందించింది.

అర్పాత్‌ మరణం గురించి పోలీసులు దర్యాప్తు చేస్తున్నట్లు అధికారులు వివరించారు. దర్యాప్తు చేపట్టిన పోలీసులతో నిత్యం టచ్‌ లో ఉంటామని ఎంబసీ అధికారులు తెలిపారు. అర్పాత్‌ మరణంతో అమెరికాలో ఈ ఏడాది చనిపోయిన విద్యార్థుల సంఖ్య పదకొండుకు చేరుకుంది.

అర్ఫాత్ ఎంఎస్ చదివేందుకు పోయిన సంవత్సరం అమెరికా వెళ్లాడు. ఓహియోలోని క్లీవ్ లాండ్ వర్సిటీలో చేరి ఎంఎస్‌(MS) చేస్తున్నాడు. మూడు వారాల నుంచి అర్ఫాత్ కనిపించడంలేదని, ఫోన్ కూడా పని చేయలేదని హైదరాబాద్ లోని ఆయన తల్లిదండ్రులు పేర్కొన్నారు.

ఇటీవల తన కొడుకును కిడ్నాప్ చేశామని, 1200 డాలర్లు చెల్లిస్తేనే విడిచిపెడతామని బెదిరింపు కాల్ వచ్చిందని అర్ఫాత్ తండ్రి చెప్పారు. ఈ విషయాన్ని న్యూయార్క్ లోని భారత రాయబార కార్యాలయం దృష్టికి తీసుకెళ్లామని తెలిపారు.

Also read: ఘోర ప్రమాదం.. లోయలో పడ్డ బొలెరో..8 మంది మృతి!