India-China : స్వాతంత్య్ర దినోత్సవానికి ఒక్క రోజు ముందు ఇండియా చైనా చర్చలు.. ఎందుకంటే..!!

India-China Talks: దేశ స్వాతంత్య్ర దినోత్సవానికి ఒకరోజు ముందు జరగనున్న భారత్-చైనా కమాండర్ స్థాయి చర్చలు ఉదయం 9.30 గంటలకు ప్రారంభం కానున్నాయి. తూర్పు లడఖ్‌లోని చుషుల్ సరిహద్దు సమావేశ పాయింట్‌లో చర్చలు జరగనున్నాయి. ఇందులో ఇరు దేశాల కమాండర్ స్థాయి అధికారులు పాల్గొంటారు. జూన్ 2020లో గాల్వన్ ఘర్షణ తర్వాత రెండు దేశాల మధ్య ఇది ​​19వ సమావేశం. అయితే ఇప్పటివరకు జరిగిన ఏ సమావేశం, చర్చలు సఫలం కాలేదు.

2020 జూన్‌లో గాల్వన్ వ్యాలీలో (Galwan Valley) హింసాకాండ, ఆపై నవంబర్ 2022లో తవాంగ్‌లో చైనా సైనికులతో వాగ్వివాదం జరిగినప్పటి నుండి భారత్ (India), చైనా(China) మధ్య సంబంధాలు పూర్తిగా దెబ్బతిన్నాయి. సరిహద్దులోని వివాదాస్పద ప్రాంతాల నుంచి తమ సైన్యాన్ని ఉపసంహరించుకోవాలని భారత్ చైనాను కోరుతున్నప్పటికీ, చైనా అందుకు అంగీకరించలేదు. భారత్, చైనా మధ్య వాస్తవ నియంత్రణ రేఖపై ప్రతిష్టంభన, ఉద్రిక్తత నెలకొనడానికి ఇదే కారణం.

19th round of Corps Commander level talks between Armies of India and China scheduled to start at 9:30 AM at Chushul border meeting point in Eastern Ladakh today, 14th August.

— ANI (@ANI) August 14, 2023

గాల్వన్ (Galwan) హింస తర్వాత, రెండు దేశాల మధ్య 18 సార్లు చర్చలు జరిగాయి. అయితే ఈ సమావేశాలన్నీ విజయవంతం కాలేదు. ఇలాంటి పరిస్థితుల్లో ఈ సమావేశం అత్యంత కీలకంగా మారనుంది. ఇప్పటి వరకు జరిగిన సమావేశాల్లో ఎలాంటి ఒప్పందమైనా తమ సొంత షరతుల మేరకే చేసుకుంటామని భారత అధికారులకు స్పష్టం చేసినట్లు సమాచారం. ఈసారి భారత్ ఒత్తిడికి లోనై తమ అక్రమ డిమాండ్లను అంగీకరించాలని చైనా కోరుతోంది. అయితే ఈసారి మాత్రం రాజీపడే ధోరణిలో భారత్ లేదు.

Also Read: 10వేల మంది పోలీసులు..యాంటీ డ్రోన్ సిస్టమ్..ఇండిపెండెన్స్ డేకి హై సెక్యూరిటీ..!!