Telangana: రేవంత్ రెడ్డిని సీఎం చేయాలంటూ పెట్రోల్ పోసుకున్న వ్యక్తి..

Hyderabad: తెలంగాణ కాంగ్రెస్ ఎమ్మెల్యేలు బస చేస్తున్న హోటల్ ముందు తీవ్ర ఉద్రిక్తత నెలకొంది. టీపీసీసీ చీఫ్ రేవంత్ రెడ్డిని సీఎం చేయాలని డిమాండ్ చేస్తూ ఓ వ్యక్తి పెట్రోల్ పోసుకున్నాడు. ఈ ఘటనతో అక్కడి పరిస్థితి ఉద్రిక్తంగా మారింది. అసెంబ్లీ ఎన్నికల్లో కాంగ్రెస్ విజయం సాధించిన అనంతరం ఆ పార్టీ ఎమ్మెల్యేలంతా హైదరాబాద్‌లోని ఓ హోటల్‌లో బస చేస్తున్నారు. ఈ హోటల్ వేదికగానే.. ప్రభుత్వ ఏర్పాటు, ముఖ్యమంత్రి, మంత్రుల నియామకానికి సంబంధించిన చర్చలు జరుగుతున్నాయి.

అయితే, రేవంత్ రెడ్డిని సీఎం చేయాలంటూ ఓ వ్యక్తి వచ్చి.. ఎమ్మెల్యేలు ఉన్న హోటల్ ముందు హల్ చల్ చేశాడు. తన ఒంటిపై పెట్రోల్ పోసుకున్నాడు. ఆ పక్కనే పోలీసులు వెంటనే అలర్ట్ అయి.. అతన్ని నిలువరించారు. పెట్రోల్ చేసుకున్న వ్యక్తి ఒంటిపై నీళ్లు పోశారు. అనంతరం అదుపులోకి తీసుకున్నారు.

#WATCH | Hyderabad, Telangana: Earlier today, an unknown person poured petrol on himself outside a hotel in Hyderabad where Telangana Congress MLAs are currently staying, demanding Revanth Reddy to be the CM. The police poured water on him and took him into custody pic.twitter.com/iyR25SOdoK

— ANI (@ANI) December 5, 2023

కాగా, తెలంగాణ సీఎం ఎవరనే దానిపై ఇంకా ఉత్కంఠ నెలకొంది. సీఎంగా ఎవరిని నియమించాలనే అంశంపై ఇప్పటికీ చర్చలు జరుగుతున్నాయి. ఇవాళ రాత్రిలోగా సీఎం ఎవరో కాంగ్రెస్ అధిష్టానం తేల్చనుంది.

Also Read:

Telangana Elections: ‘ఈ తుపాకీ మిస్ ఫైర్ అయ్యింది’.. కేటీఆర్ ట్వీట్..

ISRO: ‘ఆదిత్య ఎల్‌ 1’లో రికార్డయిన సౌరగాలులు.. సోషల్‌ మీడియాలో ఇస్రో ఫోటో..