Hair Loss: జుట్టు రాలడానికి అసలు కారణాలు ఈ పరీక్షలతో తెలుసుకోండి

Hair Loss Causes : ఈ రోజుల్లో చెడు జీవనశైలి కారణంగా పురుషులు, మహిళల జుట్టు రాలిపోతూ ఉంటుంది. ఆరోగ్య సమస్యలు, ఒత్తిడి, ఆహారపు అలవాట్లు, జుట్టు సంరక్షణ లోపం వంటివి జుట్టు రాలడానికి కారణం అవుతున్నాయి. ఎక్కువగా జుట్టు రాలుతున్నవారు కొన్ని పరీక్షల ద్వారా కారణాలు తెలుసుకోవచ్చు. జుట్టు వేగంగా రాలిపోతుంటే ఈ సమస్య నుంచి బయటపడేందుకు వెంటనే రక్త పరీక్ష చేయించుకోవాలని నిపుణులు చెబుతున్నారు. రక్త పరీక్ష ఆధారంగా జుట్టు రాలడానికి సరైన చికిత్స చేయించుకోవచ్చని అంటున్నారు.

థైరాయిడ్ టెస్ట్‌:

చురుకైన థైరాయిడ్ హైపోథైరాయిడిజమ్‌కు కారణమవుతుంది. అతి చురుకైన థైరాయిడ్ హైపర్ థైరాయిడిజానికి కారణమవుతుంది. సకాలంలో చికిత్స చేయకపోతే జుట్టు రాలిపోయే ప్రమాదం ఉంది. రక్త పరీక్ష ద్వారా ప్రతి హార్మోన్ ఎంత ఉత్పత్తి అవుతోంది. థైరాయిడ్ తక్కువగా ఉందా లేదా ఎక్కువగా ఉందో తెలుస్తుంది.

సెక్స్ హార్మోన్లు:

జుట్టు పెరుగుదలకు సెక్స్ హార్మోన్లు చాలా ముఖ్యమైనవి. మహిళల్లో టెస్టోస్టెరాన్‌ ఉత్పత్తి అవుతుంది. ఇది DHTలోకి చేరి జీవక్రియ జరుగుతుంది. వెంట్రుకల కుదుళ్లలోని ఆండ్రోజెన్ గ్రాహకాలలో ఉండిపోతుంది. దీని అవి కుంచించుకుపోతాయి. జుట్టు ఉత్పత్తిని నిలిపివేస్తాయి. రక్త పరీక్ష చేయించుకోవడం వల్ల సెక్స్ హార్మోన్ల స్థాయి తెలుసుకోవచ్చు. ఇందులో టెస్టోస్టెరాన్, ఎస్ట్రాడియోల్, ఆండ్రోస్టెడియోన్, ప్రొలాక్టిన్, ఎఫ్‌ఎస్‌హెచ్ లుటీన్ హార్మోన్ల గురించి తెలుస్తుంది.

రక్తంలో చక్కెర స్థాయి:

రక్తంలో చక్కెర స్థాయిలను బట్టి మధుమేహాన్ని గుర్తించవచ్చు. టైప్ 2 డయాబెటిస్ జుట్టు రాలడంతో సంబంధం కలిగి ఉంటుంది. అటువంటి పరిస్థితిలో రక్తంలో చక్కెర స్థాయిలు పరీక్షించుకుంటే ముందుగానే సరైన చికిత్స తీసుకోవచ్చని నిపుణులు అంటున్నారు.

ఐరన్‌, ఫెర్రిటిన్ స్థాయిలు:

ఐరన్ లోపం అంటే రక్తహీనత వల్ల కూడా జుట్టు రాలే సమస్య వస్తుంది. సీరం ఫెర్రిటిన్ అనేది రక్త ప్రోటీన్‌. ఇది ఐరన్‌ కలిగి ఉంటుంది. హెల్తీ హెయిర్ ఉన్న మహిళలతో పోలిస్తే జుట్టు రాలిపోయే మహిళల్లో దీని స్థాయిలు తక్కువగా ఉంటాయి. రక్తంలో ఐరన్‌, ఫెర్రిటిన్ స్థాయిలను పరీక్షించడం ద్వారా జుట్టు రాలడాన్ని ముందుగానే గుర్తించవచ్చు.

విటమిన్ లోపం:

విటమిన్‌ డి, బి7, బి12 లోపం కూడా జుట్టు రాలడానికి కారణం అవుతాయని నిపుణులు అంటున్నారు. ముందుగానే పరీక్షలు చేయించుకోవడం వల్ల జుట్టు రాలడాన్ని అరికట్టవచ్చని సలహా ఇస్తున్నారు.

ఇది కూడా చదవండి: మద్యం మత్తులో ప్రిన్సిపల్‌.. విద్యార్థులు ఏం చేశారో తెలిస్తే షాకే!

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.