Elon Musk : ఎలాన్‌ మస్క్‌ మరో సంచలన నిర్ణయం.. యూట్యూబ్‌ కు ధీటుగా మరో వేదిక!

X TV App : ప్రపంచ కుబేరుల్లో ఒకరైన 'X' (ట్విట్టర్) ఓనర్ ఎలాన్‌ మస్క్‌(Elon Musk) మరో సంచలన నిర్ణయం తీసుకున్నారు. వీడియో స్ట్రీమింగ్‌ దిగ్గజం యూట్యూబ్‌(YouTube) కు దీటుగా మరో వేదికను తీసుకొచ్చేందుకు సిద్ధమయ్యారు. ఈ మేరకు యూజర్స్ హైక్వాలిటీ వీడియోలు ఇందులో అప్‌లోడ్‌ చేసేందుకు వీలుగా ప్రత్యేకంగా టీవీ యాప్‌(X TV app) ను అందుబాటులోకి తేస్తున్నట్లు ‘ఎక్స్‌’ సీఈవో లిండా యాకరి(Linda Yaccarino) నో అధికారికంగా ప్రకటించారు.

ఇది కూడా చదవండి: Samantha: అవి ఆపండి.. నెటిజన్లకు సమంత సీరియస్ వార్నింగ్!

సరికొత్త, ఆకర్షణీయమైన కంటెంట్‌..

ఈ మేరకు ‘స్మాల్ స్ర్కీన్ నుంచి బిగ్ స్ర్కీన్ వరకు. X అన్నింటినీ మార్చేస్తోంది. X టీవీ యాప్‌తో సరికొత్త, ఆకర్షణీయమైన కంటెంట్‌ను మీ స్మార్ట్‌ టీవీల ద్వారా తీసుకురాబోతున్నా. బిగ్ స్క్రీన్‌లపై అత్యంత నాణ్యమైన కంటెంట్‌, అందులో లీనమయ్యే అనుభవాన్ని, గొప్ప అనుభూతిని ఇస్తుంది. ప్రస్తుతం ఇది రూపుదిద్దుకుంటోంది’ అని ఎక్స్‌ సీఈవో లిండా యాకరినో సోషల్‌ మీడియా(Social Media) వేదికగా తెలిపారు. ఇందుకు సంబంధించి చిన్న వీడియోను ఆమె షేర్ చేశారు.