TG JOBS: టీచర్ అభ్యర్థులకు గుడ్ న్యూస్.. మరో టెట్, డీఎస్సీ నోటిఫికేషన్ షెడ్యూల్ ఖరారు!

Telangana: తెలంగాణ టీచర్ అభ్యర్థులకు రేవంత్ సర్కార్ మరో గుడ్ న్యూస్ చెప్పింది. ప్రస్తుతం రాష్ట్రంలో డీఎస్సీ పరీక్షలు కొనసాగుతుండగానే మరో టెట్, డీస్సీకి నోటిఫికేషన్ ప్రక్రియకు సంబంధించిన ప్రణాళికను విడుదల చేసింది. ఈ మేరకు శుక్రవారం అసెంబ్లీ వేదికగా ఉప ముఖ్యమంత్రి భట్టి విక్రమార్క విడుదల చేసిన జాబ్ క్యాలెండర్ లో ఉపాధ్యాయ పోస్టుల భర్తీకి సంబంధించిన స్పష్టమైన వివరాలను వెల్లడించారు.

ఫిబ్రవరి-2025లో నోటిఫికేషన్..

ఈ మేరకు కాంగ్రెస్ అధికారంలోకి వచ్చిన వెంటనే డీఎస్సీ నోటిఫికేషన్ లో ఉన్న లోసుగులు క్లియర్ చేసి 11,602 వేల పోస్టులకు పరీక్షలు నిర్వహిస్తోంది. అయితే పరీక్షలకు ముందు నిరుద్యోగుల నుంచి మెగా డీఎస్సీ డిమాండ్ వ్యక్తం కావడంతో మరో 6 వేలతో వచ్చే ఏడాది నోటిఫికేషన్ విడుదల చేస్తామని హామీ ఇచ్చింది. ఇందులో భాగంగానే తాజాగా విడుదల చేసిన జాబ్ క్యాలెండర్ ప్రకారం.. టెట్ నోటిఫికేషన్ నవంబర్ లో విడుదల చేసి పరీక్షను జనవరిలో నిర్వహిస్తామన్నారు. ఫిబ్రవరి-2025లో నోటిఫికేషన్ విడుదల చేసి ఏప్రిల్-2025 న పరీక్షను నిర్వహించనున్నట్లు జాబ్ క్యాలెండర్ లో పేర్కొన్నారు. దీంతో మరోసారి టీచర్ అభ్యర్థుల్లో ఆశలు చిగురించాయి. టెట్ క్వాలీఫై కాని వారు కూడా మరోసారి టెట్ రాసుకునే అవకాశం రావడంపై సంతోషం వ్యక్తం చేస్తున్నారు.

ఇది కూడా చదవండి: Cloudbursts: దేశంలో ప్రకృతి వైపరిత్యాలు.. మానవ తప్పిదాలేనా? క్లౌడ్ బరస్ట్ శాతం ఎంత!

పాఠశాలలపై మేం లోతుగా అధ్యయనం చేయగా ప్రస్తుతం వెలువరించిన 11,062 టీచర్‌ పోస్టులు భర్తీ అయిన తర్వాత కూడా మరో ఐదు వేల ఖాళీలు ఉంటాయని తేలింది. ఈ ఐదువేలతోపాటు సమీప భవిష్యత్తులో ఏర్పడే మరికొన్ని ఖాళీలను కలిపి మరో డీఎస్సీ నిర్వహిస్తాం. నిరుద్యోగ ఉద్యోగార్థులు ఆందోళన చెందాల్సిన అవసరం లేదు. మా ప్రభుత్వం తరచూ డీఎస్సీ నోటిఫికేషన్‌లు జారీచేస్తూనే ఉంటుందని భట్టి విక్రమార్క స్పష్టం చేశారు.