Trump : ట్రంప్‌పై దాడి.. అమాంతం పెరిగిన క్రేజ్‌

Donald Trump Craze : అమెరికా (America) మాజీ అధ్యక్షుడు డొనాల్డ్‌ ట్రంప్‌ (Donald Trump) పై కాల్పుల దాడి జరగడం ప్రపంచవ్యాప్తంగా సంచలనం రేపుతున్న సంగతి తెలిసిందే. ఈ ఘటనలో ట్రంప్‌ తృటిలో తప్పించుకోగలిగారు. దీంతో భద్రతా సిబ్బంది కాల్పులు జరిపిన షూటర్‌ను కాల్చి చంపారు. అలాగే ఈ ఘటనలో ర్యాలీలో పాల్గొనేందుకు వచ్చిన ట్రంప్ మద్ధతుదారుడు ఒకరు మృతిచెందారు. అయితే ఈ ఘటనకు సంబంధించిన వార్త ప్రపంచవ్యాప్తంగా క్షణాల్లోనే వ్యాపించింది. కానీ న్యూయార్క్‌ (New York) లోని టైమ్‌ స్క్వేర్‌లో మాత్రం ఈ వార్త ప్రసారం కాలేదని పలువురు చెబుతున్నారు. ట్రంప్‌ కాల్పులు జరిగితే దానికి సంబంధించిన సింగిల్ వీడియో కూడా టైమ్‌ స్క్వేర్‌లో ప్రసారం కాలేదని.. అమెరికా ఫ్రంట్‌లైన్ డాక్టర్స్ వ్యవస్థాపక అధ్యక్షురాలు డా. సిమోన్ గోల్డ్ ఎక్స్ వేదికగా తెలిపారు. ఈ దాడిపై ప్రపంచ దేశాధినేతలు స్పందిస్తుంటే ప్రముఖ టైమ్‌స్క్వేర్‌ మాత్రం పట్టించుకోలేదంటూ అసహనం వ్యక్తం చేశారు.

Also read: నా పైన రెండు సార్లు హత్యాయత్నం జరిగింది..మస్క్!

ఇక ట్రంప్‌పై దాడి జరిగిన మూడు గంటల్లోపే చైనా మార్కెట్లలో ట్రంప్ టీషర్టులు వచ్చేశాయి. దాడి జరిగిన అనంతరం ట్రంప్ చేసిన వ్యాఖ్యలతో టీ షర్టులపై ముద్రించారు. ఐ విల్‌ నెవర్ స్టాప్‌, ఫైట్‌ ఫర్ అమెరికా, షూటింగ్‌ మేక్స్‌ మీ స్ట్రాంగర్ అంటూ ట్రంప్ అన్న ఈ వ్యాఖ్యలను టీషర్టులపై ముద్రించారు. మరోవైపు ట్రంప్‌పై దాడి జరిగిన తర్వాత ప్రజల్లో ఆయనకు మరింత మద్దతు పెరిగినట్లు పోలస్‌ స్టర్‌ తాజా నివేదికలో తెలిపింది. ఈ ఘటన తర్వాత ప్రజల నుంచి ట్రంప్‌నకు 8 శాతం మద్ధతు పెరిగినట్లు నివేదిక వెల్లడించింది. దీంతో జో బైడెన్‌ (Joe Biden) కంటే ట్రంప్ ముందు వరుసలో ఉన్నారని, దేశ అధ్యక్షునిగా ట్రంప్‌ను గెలిపించేందుకు ఏకంగా 70 శాతం అవకాశాలు ఉన్నాయని ఈ సర్వే అంచనా వేసింది.

Also Read: ట్రంప్‌పై కాల్పులు.. వివేక్ రామస్వామి ఏమన్నారంటే