Madurai Train Fire : రైలులో పేలిన సిలిండర్లు..పెరుగుతున్న మృతుల సంఖ్య..!!

Madurai Train Fire : తమిళనాడులోని మధురైలో ఘోర అగ్నిప్రమాదం చోటుచేసుకుంది. మదురై స్టేషన్‌లో ఆగి ఉన్న రైలు కోచ్‌లో మంటలు చెలరేగాయి. వార్తా సంస్థ PTI ప్రకారం, లక్నో నుండి రామేశ్వరం వెళ్తున్న రైలు ప్యాసింజర్ కోచ్‌లో మంటలు చెలరేగడంతో 10 మంది మరణించారని.. 20 మంది గాయపడ్డారని దక్షిణ రైల్వే వర్గాలు తెలిపాయి. మృతుల సంఖ్య పెరిగే అవకాశం ఉన్నట్లు అధికారులు తెలిపారు.

రైల్వే శాఖ నుండి అందిన సమాచారం ప్రకారం, ఈరోజు ఉదయం 5.15 గంటలకు మదురై యార్డ్ వద్ద పునలూర్-మధురై ఎక్స్‌ప్రెస్ ప్రైవేట్ కోచ్‌లో మంటలు చెలరేగాయి. అదే సమయంలో మంటలు చెలరేగిన కోచ్ ప్రైవేట్ కోచ్ అని రైల్వే అధికారులు తెలిపారు. లక్నోనుంచి 65మంది ప్రయాణికులతో ఒక ప్రైవేట్ పార్టీ రైలులోని టూరిస్ట్ కోచ్ ఎక్కింది. రైలు నెంబర్ 16730 శనివారం తెల్లవారుజామున 3.47గంటలకు మధురై చేరుకుంది. బుక్ చేసిన టూరిస్టు కోప్ పార్క్ రైల్వే స్టేషన్ లో పార్కు చేశారు. అయితే కొంతమంది టీ, స్నాక్స్ చేసేందుకు ఎల్పీజీ సిలిండర్లను ఉపయోగించారు. దీంతో కోచ్ లో మంటలు చెలరేగాయి. ఈ కోచ్‌లో ప్రయాణికులు అక్రమంగా గ్యాస్ సిలిండర్లను తీసుకెళ్తున్నారని తెలిపారు. ఈ ప్రైవేట్ కోచ్ మినహా మరే ఇతర కోచ్‌కు ఎలాంటి నష్టం జరగలేదన్నారు.  మృతుల కుటుంబాలకు రైల్వే శాఖ రూ.10 లక్షల ఎక్స్‌గ్రేషియా ప్రకటించింది.

Also Read: అలర్ట్:  ఈరోజు, రేపు ఉరుములు..మెరుపులతో భారీ వర్షాలు!

శనివారం తెల్లవారుజామున 5.15 గంటలకు మంటలు చెలరేగాయని, అరగంట తర్వాత ఘటనాస్థలికి చేరుకున్న అగ్నిమాపక సిబ్బంది ఉదయం 7.15 గంటలకు మంటలను అదుపులోకి తెచ్చారని దక్షిణ రైల్వే తెలిపింది. సంఘటనా స్థలంలో చిందరవందరగా ఉన్న వస్తువులలో ఒక సిలిండర్, బంగాళదుంపల బ్యాగ్ ఉన్నాయని అధికారులు తెలిపారు. పార్టీ కోచ్‌ను నాగర్‌కోయిల్ జంక్షన్‌లో రైలుకు జోడించామని, ఆగస్టు 17న లక్నో నుంచి ప్రయాణాన్ని ప్రారంభించామని అధికారులు తెలిపారు. రేపు చెన్నైకి తిరిగి అక్కడి నుంచి లక్నో వెళ్లాల్సి ఉంది.

కాగా ఈ ప్రమాదం తర్వాత, ప్రజలు బాలాసోర్ రైలు ప్రమాదాన్ని గుర్తు చేసుకున్నారు. ఈ ఘోర ప్రమాదంలో మొత్తం 293 మంది ప్రయాణికులు మరణించగా, అందులో 287 మంది ప్రయాణికులు అక్కడికక్కడే మరణించగా, మరో ఆరుగురు ఆసుపత్రిలో చికిత్స పొందుతూ మరణించారు. కోరమాండల్ ఎక్స్‌ప్రెస్ జూన్ 2వ తేదీ సాయంత్రం 7 గంటల సమయంలో బాలాసోర్‌లోని బహంగా బజార్ స్టేషన్ సమీపంలో నిశ్చలంగా ఉన్న గూడ్స్ రైలును ఢీకొట్టింది, దాని కోచ్‌లు చాలా వరకు పట్టాలు తప్పాయి. కోరమాండల్ ఎక్స్‌ప్రెస్‌లోని కొన్ని కోచ్‌లు అదే సమయంలో ప్రయాణిస్తున్న బెంగళూరు-హౌరా ఎక్స్‌ప్రెస్‌లోని కొన్ని మునుపటి కోచ్‌లను బోల్తా పడ్డాయి.

Also Read: Chandrayaan-3: ఆ ప్రాంతానికి ‘శివశక్తి’, పాదముద్రను వదిలిన ప్రదేశానికి ‘తిరంగా’ అని నామకరణం..!!