విజయవాడ-హైదరాబాద్ హైవేపై ఘోర ప్రమాదం!

Accident: హైదరాబాద్‌- విజయవాడ హైవేపై ఘోర రోడ్డు ప్రమాదం జరిగింది. నందిగామ మండలం ఐతవరం దగ్గర టిప్పర్ లారీ కారును బలంగా ఢీ కొట్టింది. కారులో ఉన్న వ్యక్తి అక్కడిక్కడే దుర్మరణం చెందాడు. మృతుడు కంచికచర్ల మండలం చెవిటికట్లు టీడీపీ నేత కోగంటి విష్ణువర్ధన్‌ గా పోలీసులు గుర్తించారు. 

టిప్పర్‌ డ్రైవర్‌ మద్యం మత్తులో ఘోరం..

ఈ మేరకు పోలీసులు తెలిపిన వివరాల ప్రకారం.. విజయవాడ నుంచి హైదరాబాద్‌ వెళుతున్న టిప్పర్ లారీ కారును ఢీ కొట్టింది. టిప్పర్‌ డ్రైవర్‌ మద్యం మత్తులో ఉండటంతోనే ఈ ప్రమాదం జరిగినట్లు తెలిపారు. ఇక హైవేపై కిలోమీటర్‌ వరకు భారీగా ట్రాఫిక్‌ జామ్‌ ఏర్పడగా.. కీసర టోల్‌ ప్లాజాకు కిలోమీటరు దూరంలోనే ప్రమాదం జరిగినా హైవే ఎమర్జెన్సీ సిబ్బంది స్పందించకపోవడంపై స్థానికులు, ప్రయాణికులు ఆందోళన వ్యక్తం చేశారు. యాక్సిడెంట్‌కు స్పాట్ కు 10 నిమిషాల్లో చేరుకోవాల్సింది 30 నిమిషాల తర్వాత వచ్చారని వాహనదారులు మండిపడ్డారు. వారు సరైన సమయంలో రాకపోవడంతోనే కోగంటి చనిపోయినట్లు బంధువుల ఆరోపిస్తున్నారు. హైవే ఎమర్జెన్సీ సిబ్బందిపై కఠిన చర్యలు తీసుకోవాలని డిమాండ్ చేస్తున్నారు. 

అనంతపురం జిల్లాలోనూ..

ఇదిలాఉంటే.. అనంతపురం జిల్లాలో ఘోర రోడ్డు ప్రమాద ఘటన చోటుచేసుకుంది. బెంగళూరు నుంచి హైదరాబాద్‌ వెళ్తున్న తెలంగాణకు చెందిన ఆర్టీసీ బస్సు అర్థరాత్రి 2 గంటల సమీపంలో ప్రమాదానికి గురైంది. అనంతపురం జిల్లా గార్లదిన్నె మండలం తిమ్మంపేట గ్రామ సమీపంలో సమీపంలో జాతీయ రహదారిపై ట్యాంకరు ఢీకొట్టింది. బస్సులో ప్రయాణిస్తున్న 10 ఈ ప్రమాదంలో తీవ్రంగా గాయపడ్డారు.