Vizag : మ్యారేజ్ బ్యూరో పేరిట అత్యాచారాలు.. రోజూ రావాల్సిందే... కోరిక తీర్చాల్సిందే!

విశాఖలో మరో దారుణ ఘటన చోటుచేసుకుంది.  మ్యారేజ్ బ్యూరో పేరుతో యువతులకు వల వేసిన కొంతమంది కేటుగాళ్లు.. యువతుల నగ్న వీడియోలు తీసి బ్లాక్‌మెయిల్‌ చేయడం మొదలుపెట్టారు.  ఓ యువతి ఫిర్యాదుతో ఈ విషయం వెలుగులోకి వచ్చింది. దీంతో ఓ నిందితుడిపై విశాఖ నాలుగో పట్టణ పీఎస్‌లో కేసు నమోదైంది.  నిందితుడు సుమారు 30 మంది యువతుల వీడియోలు తీసినట్లుగా యువతి ఆరోపిస్తుంది. నిందితుడితో జరిగిన చాటింగ్‌ను యువతి మొత్తం సోషల్‌ మీడియాలో పెట్టింది. 

విశాఖలో వెలుగులోకి మరో దారుణ ఘటన

మ్యారేజ్ బ్యూరో పేరుతో యువతులకు వల వేసిన కేటుగాళ్లు

మత్తు మందు ఇచ్చి యువతులపై అత్యాచారానికి పాల్పడిన కేటుగాళ్లు

నగ్న వీడియోలు చిత్రీకరించి యువతులను బెదిరించిన కేటుగాళ్లు

పోలీసులకు ఫిర్యాదు చేసినా
పట్టించుకోలేదని బాధితుల ఆవేదన pic.twitter.com/vZ5wTPfaNM

— Rahul (@2024YCP) April 18, 2025

పెళ్లికాని అమ్మాయిల వివరాలు

మ్యారేజ్‌ బ్యూరో, హెర్బల్‌ ప్రొడక్ట్స్‌, టూవీలర్‌ రైడ్‌ యాప్‌ పేరిట ఓ ముఠా పెళ్లికాని అమ్మాయిల వివరాలు సేకరించి ఆపై పరిచయం పెంచుకుని  ప్రేమ అంటూ వెంటపడి ముగ్గులోకి దింపుతారు. ఆ తరువాత కూల్ డ్రింక్ లో మత్తు మందు ఇచ్చి యువతులు స్పృహలో కోల్పోయాక అత్యాచారం చేయడంతో పాటు వీడియోలు తీస్తారు. ఆ తరువాత పిలిచినప్పుడు రాకపోతే వీడియోలను పోర్న్ సైట్ లలో పెడుతామని బెదిరించి ప్రతి రోజూ తమ కోరికను తీర్చుకుంటారు. 

కామాంధులకు బలై గర్భం

ఈ క్రమంలో ఓ యువతి ఆ కామాంధులకు బలై గర్భం కూడా దాల్చింది.  గర్భం దాలిస్తే బలవంతంగా అబార్షన్‌లు చేయిస్తున్నారని వాపోయింది బాధితురాలు.  అబార్షన్‌ చేయించుకోకపోతే  సుపారీ ఇచ్చి చంపేయిస్తామని  బెదిరిస్తున్నారని ఆమె పోలీసులను ఆశ్రయించింది.  ముందుగా ఈ విషయంపై పోలీసులను ఆశ్రయిస్తే అలా వెళ్లడం తమదే తప్పు అన్నట్లుగా నిందితుల వైపే మాట్లాడుతున్నారని..  దీంతో తాను మీడియాను ఆశ్రయించినట్లుగా బాధితురాలు చెబుతోంది.  దీనిపై పోలీసులు ఏం చెబుతారో చూడాలి. 

Also Read :  కర్ణాటకలో ఘోర రోడ్డు ప్రమాదం.. నలుగురు ఏపీ వాసుల దుర్మరణం!