ఇన్‌స్టాగ్రామ్‌లో పరిచయం.. తర్వాత ఏమైందంటే?

ఇన్‌స్టాగ్రామ్‌లో పరిచయమైన మహిళపై ఓ వ్యక్తి అఘాయిత్యానికి పాల్పడిన ఘటన మధురానగర్‌లో చోటుచేసుకుంది. వివరాల్లోకి వెళ్తే.. రహ్మత్‌నగర్‌కు చెందిన ఓ మహిళ అసిస్టెంట్ డైరెక్టర్‌గా హైదరాబాద్‌లో పనిచేస్తోంది. భర్తతో విడాకులు తీసుకున్న ఆమెకు ఇటీవల ఇన్‌స్టాగ్రామ్‌లో శశికిరణ్‌రెడ్డి పరిచయం అయ్యాడు. సొంతంగా తనకి మూవీ కార్యాలయం ఉందని, అసిస్టెంట్ డైరెక్టర్‌గా అవకాశం ఇస్తానని చెప్పాడు. ఈ క్రమంలో శుక్రవారం రాత్రి మధురానగర్‌లో తన ఇంటికి రావాలని శశికిరణ్‌రెడ్డి చెప్పాడు. దీంతో ఆ మహిళ అక్కడికి వెళ్లగా ఆమెపై శశికిరణ్‌రెడ్డి అఘాయిత్యానికి పాల్పడ్డాడు. ఏదో విధంగా ఆ గది నుంచి తప్పించుకుని ఈ విషయాన్ని ఆ బిల్డింగ్‌లోని వారికి చెప్పడంతో వారు పోలీసులకు కాల్ చేసి చెప్పారు. భాదితురాలి ఫిర్యాదుతో పోలీసులు కేసు నమోదు చేసి దర్యాప్తు చేపట్టారు.

ఇది కూడా చూడండి: AP: ఏపీకి తిరిగి వస్తున్న లులూ మాల్‌...ఎక్కడేక్కడంటే!