Liquor smuggle: వాటే థాట్.. పిచ్చోళ్లు అయిపోవాల్సిందే.. ఒంటెలపై మద్యం అక్రమ రవాణా

దేశ రాజధాని ఢిల్లీలో ఓ ముఠా ఒంటెలను ఉపయోగించి మద్యం అక్రమ రవాణా చేస్తూ పట్టుబడింది. పోలీసులు ఈ ముఠాకు చెందిన ఐదుగురు సభ్యులను అరెస్టు చేయగా, మూడు ఒంటెలు, పెద్ద మొత్తంలో అక్రమ మద్యం సీసాలను స్వాధీనం చేసుకున్నారు.

author-image
By K Mohan in క్రైం Latest News In Telugu
New Update
smuggle liquor

లిక్కర్ స్మగ్లర్లు పోలీసులకు చిక్కకుండా ఉండేందుకు కొత్తకొత్త మార్గాలను అన్వేషిస్తున్నారు. తాజాగా దేశ రాజధాని ఢిల్లీలో ఓ ముఠా ఒంటెలను ఉపయోగించి మద్యం అక్రమ రవాణా చేస్తూ పట్టుబడింది. పోలీసులు ఈ ముఠాకు చెందిన ఐదుగురు సభ్యులను అరెస్టు చేయగా, మూడు ఒంటెలు, పెద్ద మొత్తంలో అక్రమ మద్యం సీసాలను స్వాధీనం చేసుకున్నారు. సాధారణంగా వాహనాల ద్వారా జరిగే లిక్కర్ స్మగ్లింగ్‌ను అరికట్టడానికి ఢిల్లీ-హర్యానా సరిహద్దుల్లో పోలీసులు తనిఖీలను కట్టుదిట్టం చేశారు. దీంతో స్మగ్లర్లు ఈ కొత్త ప్లాన్ వేశారు. ముఠా సభ్యులు ఫరీదాబాద్ నుంచి ఢిల్లీలోకి మద్యం తీసుకురావడానికి ఒంటెలను ఉపయోగించారు. వారు ఇరుకైన, అటవీ మార్గాల గుండా ప్రయాణించేవారు, రాత్రివేళల్లో శబ్దం చేయకుండా ఒంటెలపై మద్యం పెట్టెలను తరలించేవారు. 

డీసీపీ అంకిత్ చౌహాన్ తెలిపిన వివరాల ప్రకారం, ఈ ముఠా సభ్యులు రాజస్థాన్‌లోని అల్వార్ నుంచి ఒంటెలను కొనుగోలు చేశారు. ఇవి రోడ్డుపై వెళ్లే వాహనాలలా శబ్దం చేయకపోవడం, పోలీసు చెక్‌పోస్టులు లేని అటవీ మార్గాల్లో సులభంగా ప్రయాణించగలగడం వల్ల ఈ పద్ధతిని ఎంచుకున్నారు. పోలీసులు ఈ స్మగ్లింగ్‌కు సంబంధించి సమాచారం అందడంతో, సంగం విహార్ అటవీ ప్రాంతంలో మాటు వేశారు. అర్థరాత్రి సమయంలో ఒంటెలపై అక్రమ మద్యం పెట్టెలను తీసుకెళ్తున్న ముఠాను పట్టుకున్నారు. ఒంటెలను స్వాధీనం చేసుకున్న పోలీసులు, వాటిని జంతు సంక్షేమ సంస్థలకు అప్పగించారు. ఈ ఘటన స్మగ్లర్ల ఆలోచనా విధానానికి, అసాధారణ పద్ధతులకు అద్దం పడుతుంది. ఈ ముఠాలో మరికొంతమంది ఉన్నారని పోలీసులు భావిస్తున్నారు, దర్యాప్తు కొనసాగుతోంది.

#latest-telugu-news #smuggle liquor on camel #liquor smuggle #camel #delhi
సంబంధిత కథనాలు
Advertisment
తాజా కథనాలు