'విశ్వంభర' సెట్స్ లో వెంకీ మామ సందడి.. ఫొటోలు వైరల్

యువ దర్శకుడు వశిష్ట దర్శకత్వంలో మెగాస్టార్ చిరంజీవి హీరోగా 'విశ్వంభర' అనే సోషియో ఫాంటసీ మూవీ తెరకెక్కుతున్న సంగతి తెలిసిందే. ప్రెజెంట్ ఈ మూవీ షూటింగ్ హైదరాబాద్ లోని రామోజీ ఫిలిం సిటీలో జరుగుతుంది. తాజాగా ఈ మూవీ సెట్స్ లో విక్టరీ వెంకటేష్ సందడి చేశారు. అనిల్ రావిపూడితో ఆయన చేస్తున్న సినిమా షూట్ కూడా రామోజీ ఫిలిం సిటీలో జరుగుతుంది.

దీంతో చిరు రామోజీ ఫిలిం సిటీలో ఉన్న విష‌యం తెలుసుకున్న వెంకీ మామ.. 'విశ్వంభ‌ర' సెట్స్‌కి వ‌చ్చి సంద‌డి చేశాడు. వెంకీతో పాటు ద‌ర్శ‌కుడు అనిల్ రావిపూడి, క‌థానాయిక‌లు మీనాక్షి చౌద‌రి, ఐశ్వ‌ర్య రాజేష్‌లు సైతం మెగాస్టార్ ను కలిశారు. ప్ర‌స్తుతం ఇందుకు సంబంధించిన ఫొటోలు సోషల్ మీడియాలో వైర‌ల్‌గా మారాయి. అందులో ఒకే ఫ్రేమ్ లో చిరు, వెంకీని చూసి ఫ్యాన్స్ ఫుల్ ఖుషీ అవుతున్నారు. 

Also Read : చైన్‌ స్నాచింగ్ చేస్తూ దొరికిపోయిన ‘బేబీ’ నటుడు.. కేసు నమోదు!

ఇక అనిల్ రావిపూడి - వెంకటేష్ సినిమా విషయానికొస్తే.. ఎఫ్ 2, ఎఫ్ 3 లాంటి హిట్స్ తర్వాత వీరి కాంబోలో తెరకెక్కుతోన్న హ్యాట్రిక్ సినిమా ఇది. ప్రముఖ నిర్మాత దిల్ రాజు ఈ చిత్రాన్ని ప్రొడ్యూస్ చేస్తున్నారు. ఇప్పటికే రెండు షెడ్యూల్స్ ను పూర్తి చేసుకున్న ఈ సినిమా 2025 సంక్రాంతికి ప్రేక్షకుల ముందుకు రానుంది. అటు చిరు 'విశ్వంభర' మూవీ కూడా వచ్చే సంక్రాంతికే రాబోతుంది.