Squid Game 3: మరి కాసేపట్లో స్క్విడ్ గేమ్ ఆఖరి పోరు! ఇండియాలో స్ట్రీమింగ్ టైమ్ ఇదే

Squid Game 3:  ప్రపంచవ్యాప్తంగా ఎంతో మంది ఆసక్తిగా ఎదురుచూస్తున్న పాపులర్ కొరియన్ వెబ్ సిరీస్ 'స్క్విడ్ గేమ్'  చివరి సీజన్ ఈరోజు నెట్‌ఫ్లిక్స్ లో స్ట్రీమింగ్ కానుంది. ఇండియాలో  మధ్యాహ్నం 12:30 గంటల నుంచి  ఈ సిరీస్‌ను చూడవచ్చు. ఇందులో మొత్తం మొత్తం ఆరు ఎపిసోడ్‌లు ఉండనున్నాయి. హ్యాంగ్ డాంగ్ డైరెక్ట్ చేసిన ఈ సీరీస్ లో లీ జంగ్-జే, లీ బైయుంగ్- హున్, వి హా-జూన్ ప్రధాన పాత్రలు పోషించారు.  జీవితంలో  అప్పులపాలై  నిస్సహాయస్థితిలో ఉన్న 456 మందిని ఓ రహస్య ప్రదేశానికి తీసుకెళ్లి.. రెడ్‌లైట్‌.. గ్రీన్‌ లైట్‌ లాంటి కొన్ని ఆటలు నిర్వహిస్తారు.

అక్కడికి వెళ్లిన తర్వాత  డబ్బు కోసం వారు ఎలాంటి పరిస్థితుల్ని ఎదుర్కొన్నారనే దాని చుట్టూ ఈ సిరీస్‌ తిరుగుతుంది.  ఇప్పుడు ఈ ఆట ముగింపు దశకు చేరుకుంది. ఈ చివరి గేమ్ లో  జి-హున్ ఈ ప్రాణాంతక ఆటను శాశ్వతంగా ఆపాలని ప్రయత్నిస్తాడు. అలాగే  ఫ్రంట్ మ్యాన్ అసలు స్వరూపాన్ని బయటపెట్టడం వంటి అంశాలు ఇందులో ప్రధానంగా చూపించబడతాయి.  ఇప్పటికే విడుదలైన 2 సీజన్స్ సూపర్ హిట్ కావడంతో సీజన్ 3 ప్లాన్ చేశారు. 

Every decision leads to this.
Watch Squid Game Season 3, out 27 June, only on Netflix. pic.twitter.com/WrXi9Okk9W

— Netflix India (@NetflixIndia) June 23, 2025

ట్రైలర్ లో ఏముంది?

సీజన్ 3 లో గత  సీజన్లలో ఉన్న ప్లేయర్లు మళ్లీ కనిపించనున్నారు. అంతేకాదు ట్రైలర్  చివరిలో ఒక బిడ్డ ఏడుపు  వినిపించడం.. అభిమానుల్లో   కొత్త  ఊహాగానాలకు దారితీసింది. అలాగే  గంబాల్ మెషిన్ తిరిగి కనిపించింది.  సీజన్ 2 ముగిసిన చోట నుంచే కథ కొనసాగుతుంది. జి-హున్   తిరిగి ఆటలోకి అడుగుపెడతాడు.  తానూ తిరుగుబాటు చేయడానికి ప్రయత్నించి విఫలమైన తర్వాత ఈ సారి  ఆటను శాశ్వతంగా ముగించాలనే ధృడ సంకల్పంతో తిరిగి వస్తాడు.

Also Read: Chiranjeevi: శేఖర్ కమ్ముల చేయి వేయగానే చిరంజీవి ఎలా చేశారో చూడండి! వీడియో వైరల్